ކާބޯތަކެތީގެ ޚިދުމަތްދޭ ތަންތަން ބަލާ ފާސްކުރުމުގެ ޚާއްޞަ އިންސްޕެކްޝަނެއް ކުރިއަށް ގެންދިއުމަށް ނިންމައިފިއެވެ.
ފުޑް އެންޑް ޑްރަގް އޮތޯރިޓީން ބުނީ މި އިންސްޕެކްޝަން ކުރިއަށް ގެންދާނީ މިމަހުގެ 21 ން 31 ގެ ނިޔަލަށް މާލެ ސަރަހައްދުގައިކަމަށެވެ.
މި އިންސްޕެކްޝަންގައި ރަޖިސްޓްރީ ނުކޮށް ކާބޯތަކެތީގެ ޚިދުމަތްދޭ ތަންތަން ބަންދުކޮށް އެފަދަ ތަންތަނުގެ މައުލޫމާތު އާއްމުކުރުމަށް ނިންމާފައިވާ ކަމަށް ހެލްތު މިނިސްޓްރީން ނެރުނު ބަޔާނުގައިވެއެވެ.
މިއީ ފުޑް އެންޑް ޑްރަގް އޮތޯރިޓީއާއި ސިޓީ ކައުންސިލް އަދި އެޗްޑީސީ ގުޅިގެން ކުރިއަށް ގެންދިއުމަށް ނިންމާފައިވާ އިންސްޕެކްޝަނެކެވެ.
