ގެދޮރުވެރިޔާ މަޝްރޫޢުގެ ދަށުން މިހާތަނަށް 3،000 އަށް ވުރެ ގިނަ ފުލެޓު އެއްބަސްވުމުގައި ސޮއިކޮށްފައިވާ ކަމަށް ފަހި ދިރިއުޅުން ކޯޕަރޭޝަން (އެފްޑީސީ) އިން ބުނެފިއެވެ.
މިގޮތުން އެފްޑީސީން ބުނީ ގެދޮރުވެރިޔާ ސްކީމްގެ ދަށުން އެ ކޯޕަރޭޝަނުން ތަރައްޤީކުރި 4،000 ސޯޝަލް ހައުސިންގ ޔުނިޓު މަޝްރޫޢުގެ 3،000 އަށް ވުރެ ގިނަ އެއްބަސްވުންތަކުގައި ސޮއިކުރެވިފައިވާ ކަމަށާއި، މިއީ އެ ކޯޕަރޭޝަނަށް ހާސިލްކުރެވުނު މުހިންމު ލަނޑުދަނޑިއެއް ކަމަށެވެ.
މިހާތަނަށް ގެދޮރުވެރިޔާ ސްކީމްގެ ދަށުން 3،000 ވުރެ ގިނަ އެއްބަސްވުމުގައި ވަނީ ސޮއިކުރެވިފައި#fahidhiriulhun #amaanmujathamauakah #emmengehihsaa pic.twitter.com/afQLDtOm7Z
— Fahi Dhiriulhun Corporation Limited (@Fdc_mv) September 7, 2025
އެފްޑީސީން ހާމަކުރި ގޮތުގައި މިހާތަނަށް 3،032 އެއްބަސްވުމުގައި ސޮއިކޮށްފައިވާއިރު، މިހާތަނަށް ތާވަލުކުރެވިފައިވަނީ 3،088 އެއްބަސްވުމެކެވެ.
އެފްޑީސީން ބުނީ އެ ކުންފުނީގެ އަމާޒަކީ ވީއެންމެ އަވަސް މުުއްދަތެއްގެ ތެރޭގައި އެއްބަސްވުމުގައި ސޮއިކުރެވުނު ފަރާތްތަކާ ޔުނިޓުތައް ހަވާލުކުރުން ކަމަށެވެ.
މި ފްލެޓްތަކުގެ އެއްބަސްވުންތަކުގައި ސޮއިކުރުމުގެ މަސައްކަތް ފެށީ މިދިޔަ ޖުލައި މަހުގެ 21 ވަނަ ދުވަހެވެ.
މި ލިޔުން ކިޔާލުމުން
