ބީިއެމްއެލް ބޭންކް ފަންޑުގެ އެހީގައި ވޭމަންޑޫ ސްކޫލްގައި ސެން ކުލާހެއް ހުޅުވައިފި

ބޭންކް އޮފް މޯލްޑިވްސް (ބީއެމްއެލް) ގެ "ބޭންކް ފަންޑް" ގެ އެހީތެރިކަމާއެކު ތ. ވޭމަންޑޫ ސްކޫލްގައި ސެން ކުލާހެއް ހުޅުވައިފިއެވެ. މި ސެން ކުލާސް ޤާއިމްކޮށްފައިވަނީ، ޖަމުޢިއްޔާތައް ބާރުވެރިކުރުމަށާއި ޖަމުޢިއްޔާތަކުން ހިންގާ ދެމެހެއްޓެނެވި މަޝްރޫއުތަކަށް އެހީތެރިވުމުގެ ގޮތުން ބީއެމްއެލް އިން މިދިޔަ އަހަރު ތައާރަފްކުރި މި ފަންޑު ލިބުނު ފަރާތެއް ކަމަށްވާ ވޭމްނޑޫ ޒުވާނުންގެ ގުޅުމުންނެވެ.

Together with Veymandhoo Zuvaanunge Gulhun, a Bank Fund 2024 winner, we are celebrating the official opening of a dedicated SEN classroom in Thaa @veymandooschool! Through our Bank Fund, the NGO was able to complete the construction and finishing works of the classroom; a space… pic.twitter.com/U6VVwn4809

— Bank of Maldives (@bankofmaldives) August 23, 2025

ބީއެމްއެލް އިން ހާމަކޮށްފައިވާ ގޮތުގައި ބޭންކް ފަންޑުގެ އެހީއާއެކު، އެ ޖަމުޢިއްޔާއިން ވަނީ ކުލާސްރޫމްގެ އިމާރާތްކުރުމާއި ފިނިޝިންގ މަސައްކަތްތައް ނިންމައިފައެވެ. މި ކުލާސް ވެގެންދާނީ ޚާއްޞަ އެހީއަށް ބޭނުންވާ ދަރިވަރުންގެ ފައިން އަދި ގްރޮސް މޮޓީ ސްކިލްސް ރަނގަޅު ކުރުމަށް އެހީތެރިވެދޭނެ ތަނަކަށެވެ. ބީއެމްއެލް އިން ބުނީ ކެއްކުމާއި ފެހުން ފަދަ ދިރިއުޅުމުގައި ބޭނުންވާ ހުނަރުތައް ދަސްކޮށްދޭ ކުލާސްތައް ހިންގުން ފަދަ ހަރަކާތްތައް ސެން ކުލާހުގައި ފުޅާކުރުމަށް ވޭމަންޑޫ ސްކޫލުން ރާވަމުން ގެންދާ ކަމަށެވެ.