ކުޅުދުއްފުށީ ރީޖަނަލް ހޮސްޕިޓަލް ޓާޝަރީ ފެންވަރަށް އަޕްގްރޭޑްކުރުމަށް ބޭނުންވާ ޢިމާރާތް ޑިޒައިންކުރުމުގެ މަސައްކަތުގެ އެއްބަސްވުމުގައި ސޮއިކޮށްފިއެވެ.
މި އެއްބަސްވުމުގައި ޞިއްޙީ ވުޒާރާގެ ފަރާތުން ސޮއިކުރެއްވީ ޞިއްޙީ ވަޒީރުގެ ނައިބު އަޙުމަދު ހަމްދާން ނާސިރެވެ. އަދި މި މަސައްކަތް ހަވާލުކުރެވޭ ޗާޓަރ އިންޖިނީއަރިންގ ކޮމްޕެނީ ޕްރައިވެޓް ލިމިޓެޑްގެ ފަރާތުން އެއްބަސްވުމުގައޮ ސޮއިކުރެއްވީ ޢަބްދުލްއަޒީޒް ޙަސަންއެވެ.
މި ރަސްމިއްޔާތުގައި ކުޅުދުއްފުށީ ރީޖަނަލް ހޮސްޕިޓަލްގެ ސީއީއޯ ނާޒިމާ ޢަލީ ވެސް ބައިވެރިވެވަޑައިގެންނެވިއެވެ.
100 ދުވަހުގެ ތެރޭގައި ނިންމުމަށް ހަވާލުކުރި މި މަސައްކަތުގެ އަގަކީ 917،484 ރުފިޔާއެވެ.
