އިންޑިއާގެ ޓަމިލް ނާޑޫގައި ކުރިއަށްދިޔަ މި އަހަރުގެ އޭޝިއަން ސާފިން ޗެމްޕިއަންޝިޕުގައި ވާދަކުރި ޓީމަށް ހޫނު މަރުހަބާއެއް ދަންނަވައިފިއެވެ.
ވެލާނާ އިންޓަނޭޝަނަލް އެއާޕޯޓުން ޓީމަށް މަރުޙަބާ ދެންނެވީ ކުޅިވަރާއި ހަށިހެޔޮކަމާ ބެހޭ ވުޒާރާގެ ސްޓޭޓް މިނިސްޓަރ އަބްދުލް ރައްޒާގު އިބްރާހީމް އާއި އިބްރާހިމް އާމިރުގެ އިތުރުން މޯލްޑިވްސް އޮލިމްޕިކް ކޮމިޓީގެ ސެކްރެޓަރީ ޖެނެރަލް ތަމޫހް އަހުމަދު ސައީދް އެވެ.
މި އަހަރުގެ އޭޝިއަން ސާފިން ޗެމްޕިއަންޝިޕުގައި ރާއްޖޭގެ ނަތީޖާ ރަނގަޅުވުމާއެކު, 2026 ވަނަ އަހަރު ޖަޕާނުގައި ކުރިއަށްދާ އޭޝިއަން ގޭމްސްގެ ސާފިން އިވެންޓުން ރާއްޖެ އަށް އިތުރު ދެ ޖާގަވަނީ ހޯދާފައެވެ.
ޖޫނިއާ 18 އަހަރުން ދަށުގެ ފިރިހެން ކުދިންގެ ބައިން ކޮޕާ މެޑަލް ހޯދައި، އައިޗީ ނަގޯޔާ އޭޝިއަން ގޭމްސް 2026 އަށް އިތުރު ދެ ކޮލިފިކޭޝަން ސްލޮޓް (1 ފިރިހެން، 1 އަންހެން) ހޯދައި، ރާއްޖޭގެ ޖުމްލަ ހަތަރު ސްލޮޓް (2 ފިރިހެން، 2 އަންހެން) އަށް އަރައިފި އެވެ.
