މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ޤާއިމްކޮށްފައިވާ އިންސްޓަންޓް ޕޭމަންޓް ސިސްޓަމް – ފަވަރަގެ ޚިދުމަތްތަކަށް މިރޭ ބުރޫއަރާފާނެއެވެ.
މިކަން ހާމަކޮށްފައިވަނީ ފަވަރައިން އެކްސްގައި ކުރި ޕޯސްޓެއްގައެވެ.
Favara will undergo planned maintenance tonight from 12:00 AM to 2:00 AM. Users may experience delays or interruptions.
We sincerely apologize for any inconvenience this may cause.— Favara - MIPS (@Favara_MIPS) August 12, 2025
މިގޮތުން ފަވަރައިން ބުނެފައިވަނީ ރާވައިގެން ކުރިއަށްގެންދާ މެއިންޓަނަންސް އެއްގެ ސަބަބުން މިރޭ ދަންވަރު 00:00 އިން 02:00 އަށް ފަވަރައިގެ ޚިދުމަތްތައް މެދުކެނޑިދާނެ ކަމަށެވެ.
ފަވަރައިން ވަނީ މިކަމުގެ ސަބަބުން ދިމާވެދާނެ ދަތިތަކަށް މަޢާފަށް އެދިފައެވެ.
26 އޮގަސްޓު 2023 ގައި އިފްތިތާޙްކުރި ފަވަރަ މެދުވެރިކޮށް އެއް ބޭންކުން އަނެއް ބޭންކަށް ފަސޭހަކަމާއެކު ފައިސާ ފޮނުވޭނެ ނިޒާމު ވަނީ ޤާއިމްވެފައެވެ.
މިވަގުތު ފަވަރައިގެ ޚިދުމަތް ބޭންކް އޮފް މޯލްޑިވްސް (ބީއެމްއެލް) އާއި މޯލްޑިވްސް އިސްލާމިކް ބޭންކް (އެމްއައިބީ) އާއި ސްޓޭޓް ބޭންކް އޮފް އިންޑިއާ (އެސްބީއައި) އާއި ބޭންކް އޮފް ސިލޯން (ބީއޯސީ) އަދި މޮރިޝަސް ކޮމާޝަލް ބޭންކް (އެމްސީބީ) އިން ލިބޭނެއެވެ.
މި ލިޔުން ކިޔާލުމުން
