މޯލްޑިވްސް މީޑިއާ ކައުންސިލް، އެމްއެމްސީގެ ނޫސްވެރިކަމުގެ އިނާމަށް ނަން ހުށަހެޅުމުގެ މުއްދަތު އިތުރުކޮށްފިއެވެ. އެމްއެމްސީން ކުރި އިއުލާނެއްގައި ވިދާޅުވީ މިއަހަރުގެ ނޫސްވެރިކަމުގެ އިނާމަށް ނަން ހުށަހެޅުމުގެ ފުރުސަތު މި މަހުގެ 14ވަނަ ދުވަހުގެ މެންދުރު 1:00 އާ ހަމައަށް އިތުރުކޮށްފައިވާ ކަމަށެވެ.
ނޫސްވެރިކަމުގެ އެވޯޑު ދޭން ނިންމާފައިވާ ދާއިރާތައް
* ތަހުގީގީ ނޫސްވެރިކަމުގެ ދާއިރާ * އިޖުތިމާއީ ދާއިރާ * ސިޔާސީ ދާއިރާ * ޝަރުއީ ދާއިރާ އާއި ގާނޫނީ ދާއިރާ * ވިޔަފާރި އާއި އިގުތިސާދީ ދާއިރާ * ކުޅިވަރުގެ ދާއިރާ * ފޮޓޯ ޖަރނަލިޒަމްގެ ދާއިރާ * ޑޮކިއުމަންޓްރީގެ ދާއިރާ * ފީޗާ ރިޕޯޓުގެ ދާއިރާ * ލައިފްސްޓައިލާއި، މުނިފޫހިފިލުވުމާއި ފަންނުވެރިކަމުގެ ދާއިރާ * ތިމާވެއްޓާއި ދެމެހެއްޓެނިވި ތަރައްގީގެ ދާއިރާ * އުންމީދީ ނޫސްވެރިޔާގެ އިނާމު * އަހަރުގެ އެންމެ މޮޅު ނޫސްވެރިޔާގެ އިނާމު * ރީޖަނަލް ނޫހުގެ އެންމެ މޮޅު އުފެއްދުމުގެ އިނާމު
އެމްއެމްސީން އަންނަނީ 2014 ވަނަ އަހަރުން ފެށިގެން ކޮންމެ އަހަރަކު ވެސް ނޫސްވެރިކަމުގެ އިނާމު ދެމުންނެވެ.
