އިހަވަންދޫ މަގުތައް ޒަމާނީ ފެންވަރަށް ތަރައްޤީކުރުމުގެ މަސައްކަތް ހަލުވިކަމާއެކު ކުރިއަށް

ހއ. އިހަވަންދޫގެ މަގުތައް ޒަމާނީ ފެންވަރަށް ތަރައްޤީކުރުމުގެ މަސައްކަތް ހުއްޓުމެއް ނެތި ކުރިއަށްދާކަން ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އިން ހާމަކޮށްފިއެވެ. މިގޮތުން އާރުޑީސީން މިއަދު އެކްސްގައި ކުރި ޕޯސްޓެއްގައި ބުނެފައިވަނީ އިހަވަންދޫގެ މަގުތައް ޒަމާނީ ފެންވަރަށް ތަރައްޤީކުރުމުގެ މަޝްރޫއުގެ ދަށުން ޖަވާހިރު މަގުގައި ކޯނަރ ކާރބް ސްޓޯން ޖެހުމުގެ މަސައްކަތް ކުރަމުންދާ ކަމަށެވެ.

ހއ. އިހަވަންދޫގެ މަގުތައް ޒަމާނީ ފެންވަރަށް ތަރައްޤީކުރުމުގެ މަޝްރޫއުގެ ދަށުން ޖަވާހިރު މަގުގައި ކޯނަރ ކާރބް ސްޓޯން ޖެހުން އަދި އަމީނީމަގުގައި ސްޓޯރމް ވޯޓަރ ޖަންކްޝަން ބެހެއްޓުމުގެ މަސައްކަތް ދަނީ ކުރަމުން.#TeamRDC pic.twitter.com/H6D2Bhul99

— Road Development Corporation Ltd (@rdcmaldives) July 22, 2025

މީގެ އިތުރުން އެ ރަށު އަމީނީމަގުގައި ސްޓޯރމް ވޯޓަރ ޖަންކްޝަން ބެހެއްޓުމުގެ މަސައްކަތްވެސް ކުރަމުންދާ ކަމުގައި އާރުޑީސީން ހާމަކުރެއެވެ. 102,846,733.89ރ. އަށް އާރުޑީސީއާ ހަވާލުކޮށްފައިވާ މި މަޝްރޫޢުގެ 40 އިންސައްތަ އަށްވުރެ ބޮޑު ބައި މިހާރު ވަނީ ނިމިފައެވެ. މި މަޝްރޫޢު ނިމޭއިރު، އިހަވަންދޫގެ މަގުތައް ޒަމާނީ ފެންވަރަށް ތަރައްޤީ ކުރެވި، މަގުތަކުގައި ނިޝާންތައް ކުރެހި، ސްޕީޑް ބްރޭކަރުތަކާއި މަގުބައްތި އަދި ޓްރެފިކް ސައިން ބޯޑުތައްވެސް ހަރުކުރެވިގެންދާނެއެވެ.