ހުޅުމާލެ، ފޭސް 1، އިންޑަސްޓްރިލް ޒޯންގައި ހިނގާފައިވާ އަލިފާނުގެ ހާދިސާގެ ސަބަބުން އެ ސަރަހައްދުގައި ދުން ބޯވެ ފެތުރެމުން ދާތީ ޢާންމުން ސަމާލުުވުމަށާއި އެ ސަރަޙައްދަށް ނުދިއުމަށް ފުލުހުން އިލްތިމާސް ކޮށްފި އެވެ.
މިރޭ އަލިފާނުގެ ހާދިސާ ހިނގީ އެންސިސްގެ ގުދަނެއްގަ އެވެ.
ފުލުހުން ބުނީ އެ ސަރަހައްދުގައި ދުން ބޯވެ ފެތުރެމުންދާތީ ދުރު ފެންނަ މިންވަރު ވަނީ ދަށްވެފައި ކަމަށެވެ. އަދި މިހާދިސާގެ ސަބަބުން، ހާއްސަކޮށް ނޭވާލުމުގެ ދަތިކަން ހުންނަ ފަރާތްތަކަށް ސިއްހީ ގޮތުން ނޭދެވޭ އަސަރުތަކެއް ކުރުމުގެ ފުރުސަތު އޮތް ކަމެއް ކަމަށެވެ.
ހުޅުމާލެ ފޭސް 1 ގައި ހިނގި އަލިފާނުގެ ހާދިސާއާ ގުޅިގެން ސަމާލުވުމަށް އިލްތިމާސްކުރުން pic.twitter.com/KpJ0PMbQRM
— Maldives Police (@PoliceMv) July 10, 2025
އެހެންކަމުން، ޒަރޫރީ ބޭނުންތަކުގައި މެނުވީ އެ ސަރަހައްދަށް ނުދިއުމަށާއި އެ ސަރަހައްދުގައި އުޅޭ މީހުން މަގު ބޭނުން ކުރާއިރު ޚާއްސަ ސަމާލުކަމެއް ދިނުމަށް އެދޭ ކަމަށެވެ. އަދި އެ ސަރަހައްދުގެ ކައިރި ހިސާބުތަކުގައި ދިރިއުޅޭ މީހުން ގޭގެ ކުޑަދޮރުތަކާއި ދޮރުތައް ލައްޕަވައި ބޭރަށް ނިކުންނަން ޖެހިއްޖެނަމަ މާސްކު އެޅުންފަދަ ރައްކާތެރިކަމުގެ ފިޔަވަޅުތައް އެޅުމަށް ދިވެހި ފުލުހުންގެ ޚިދުމަތުން އިލްތިމާސް ކުރާ ކަމަށެވެ.
ދިވެހި ފުލުހުންގެ ޚިދުމަތުން މި ކަންކަމަށް ހާއްސަ ސަމާލުކަމެއް ދިނުމާ އެކު، ރައްޔިތުންގެ ރައްކާތެރިކަމަށްޓަކައި އެ ސަރަޙައްދުގައި ގެންދަނީ މަސައްކަތްތަކެއް ކުރަމުން ކަމަށްވެސް ބުންޏެވެ.
