ހުޅުމާލެ އިންޑަސްޓްރިއަލް ޒޯނުގައި ހުރި ގުދަނެއްގައި އަލިފާނުގެ ހާދިސާއެއް ހިނގައިގެން އެމްއެންޑީއެފް އަދި ފުލުހުން ހަރަކާތްތެރިވާން ފަށައިފިއެވެ.
މައުލޫމާތު ލިބިފައިވާ ގޮތުގައި އަލިފާނުގެ ހާދިސާ ހިނގައިގެން އުޅެނީ އެންސިސްގެ ފެކްޓަރީއެއްގައެވެ.
އެ ސަރަހައްދު މިހާރު އޮތީ ވަރަށް ބޮޑަށް ދުމުން ކަޅުވެފައެވެ.
ހުޅުމާލޭ ފޭސް 1ގައި ހުންނަ އެންސިސްގެ ގުދަނުގައި އަލިފާން ރޯވެގެން އެމްއެންޑީއެފް ފަޔަރ އެންޑް ރެސްކިޔު ސަރވިސްއިން ދަނީ ހަރަކާތްތެރިވަމުން. މި ހާދިސާގެ މަޢުލޫމާތު ލިބިފައިވަނީ މިރޭ 18:48 ހާއިރު. pic.twitter.com/k3Z0VwxjYl
— Maldives National Defence Force (@MNDF_Official) July 10, 2025
މިއަދަކީ ވިއްސާރަ އަދި ބަނަ ރެއެއް ނަމަވެސް ކަޅު ދުމާއި ހެދި މުޅި ސަރަހައްދު ވަނީ ދުމުން ފުރިފައެވެ.
އެ ސަރަހައްދުގައި ހުރި ސިފްކޯ އަދި ޕޮލިސް ފްލެޓްތަކަށް ވެސް ވަނީ ދުމުގެ އަސަރުކޮށްފައެވެ.
ހުޅުމާލެ ފޭސް 1، އިންޑަސްޓްރިއަލް ޒޯންގައި ހުރި ގުދަނެއްގައި އަލިފާން ރޯވުމާ ގުޅިގެން ފުލުހުންނާއި އެމްއެންޑީއެފް ފަޔަރ އެންޑް ރެސްކިއުއިން ދަނީ ހަރަކާތްތެރިވަމުން pic.twitter.com/UTsFWVhxOH
— Maldives Police (@PoliceMv) July 10, 2025
އެ ސަރަހައްދަށް އާއްމުން ނުދިއުމަށް ފުލުހުން ދަނީ އާއްމުންނަށް ނަސޭހައްތެރިވަމުންނެވެ.
ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީންވެސް ދަނީ އަލިފާނުގެ ހާދިސާގެ ކަންކަން ބަލަމުންނެވެ.
ހުޅުމާލޭގައި ހުންނަ އެންސިސް ގުދަނުގައި އަލިފާނުގެ ހާދިސާއެއް ހިނގައިގެން އުޅޭތީ، އެކަން މި އޮތޯރިޓީން މިދަނީ ބަލަމުން
— NDMA Maldives (@NDMAmv) July 10, 2025
އަލިފާނުގެ ހާދިސާގެ ސަބަބުން ދުމުގެ އަސަރު ވަރަށް ބޮޑަށް ކުރަމުންދާތީ ރައްކާތެރިނުވުމުން މީޑިއާތަކަށް ވެސް އެސަރަހައްދުން ދުރަށް ދިއުމަށް ކަމާއި ބެހޭ ފަރާތްތަކުން ދަނީ ނަސޭހަތްތެރިވަމުންނެވެ.
މި ލިޔުން ކިޔާލުމުން
