ދިލްބަހާރު މަގު ސަރަހައްދުން 31 ބިދޭސީން ހައްޔަރުކޮށްފި

ދިލްބަހާރު މަގު ސަރަހައްދުން 31 ބިދޭސީން ހައްޔަރުކޮށްފިއެވެ. މޯލްޑިވްސް އިމިގްރޭޝަނުން މައުލޫމާތު ދިން ގޮތުގައި ގިނަ އަދަދަކަށް ރިޕޯޓު ލިބިފައިވާ، މާލޭގެ ދިލްބަހާރުމަގުގައި ހިމެނޭ ބިދޭސީންގެ ނުފޫޒު ބޮޑުކަމަށް ބެލެވޭ ވިޔަފާރިތައް ހިންގާ ތަންތަން އިއްޔެ ވަނީ ބަލައިފާސްކޮށްފައެވެ. މި އޮޕަރޭޝަނުން، އެ ތަންތަނުގައި ގަވާއިދާ ހިލާފަށް އުޅެމުންދިއަ 31 ބިދޭސީން ވަނީ އިމިގްރޭޝަންގެ ބެލުމުގެ ދަށަށް ގެނެވިފައެވެ.

އިއްޔެ ހަވީރު ޓާސްކްފޯސްއިން ވަނީ، ގިނަ އަދަދަކަށް ރިޕޯޓު ލިބިފައިވާ، މާލޭގެ ދިލްބަހާރުމަގުގައި ހިމެނޭ ބިދޭސީންގެ ނުފޫޒު ބޮޑުކަމަށް ބެލެވޭ ވިޔަފާރިތައް ހިންގާ ތަންތަން ބަލައިފާސްކޮށްފައި. މި އޮޕަރޭޝަނުން، އެ ތަންތަނުގައި ގަވާއިދާ ހިލާފަށް އުޅެމުންދިއަ 31 ބިދޭސީން ވަނީ… pic.twitter.com/opAnIPC81Q

— Maldives Immigration (@ImmigrationMV) July 10, 2025

މިދިޔަ މަހުގެ ތެރޭގައި ވެސް 13 ބިދޭސީން އިމިގްރޭޝަނާ ހަވާލުކޮށްފައިވާކަން މާލެ ފްރަންޓްލައިން ޕޮލިސިންގެ ޑިޕާރޓްމަންޓުތަކުގެ ތަފާސްހިސާބުތަކުން ދައްކައެވެ. ޤަވައިދާ ޚިލާފަށް އުޅޭ ބިދޭސީން ދެނެގަތުމަށް ކުރެވޭ މަސައްކަތުގެ ދަށުން މި އަހަރުގެ ޖޫން މަހުގެ ނިޔަލަށް 2022 މީހުން އަނބުރާ ޤައުމަށް ފޮނުވާލާފައިވާކަމަށް މޯލްޑިވްސް އިމިގްރޭޝަނުން ވިދާޅުވިއެވެ. އަދި 17 ނޮވެމްބަރ 2023 އިން ފެށިގެން މި އަހަރުގެ ޖޫން މަހުގެ ނިޔަލަށް 7635 މީހުން ޑީޕޯޓްކޮށްލާފައިވާކަމަށެވެ.