ށ. މިލަންދޫގައި މަސައްކަތްކުރާ ފުލުހުންގެ އެކައުންޓުތަކަށް ގިނަ އަދަދެއްގެ ފައިސާ ޖަމާވެފައިވާ މައްސަލައެއް ފުލުހުންގެ ޕްރޮފެޝަނަލް ސްޓެންޑާޑްސް ކޮމާންޑުން ތަހުގީގުކުރަން ފަށައިފިއެވެ.
ފުލުހުން މީޑިއާތަކަށް ހިއްސާކުރި މެސެޖެއްގައި ބުނީ އެ މައްސަލަ ތަހުގީގު ކުރަމުން އަންނަ ކަމެވެ.
އެ މައްސަލާގެ އިތުރު ތަފްސީލެއް ހާމައެއް ނުކުރެއެވެ.
ފުލުހުންނަށް ކޮއްތު ހަމަޖައްސަނީ ފުލުހުން ތިބޭ ރަށްރަށުގައި ބިޑްއުސޫލުން ބަޔަކާ ހަވާލުކޮށްގެނެނެވެ. މިކަމަށް ބަޖެޓުން ބޮޑު ޚަރަދެއް ކުރެއެވެ.
