ކުޅުދުއްފުށީގައި އެންޑޯމެޓްރިއޯސިސް އަދި އެންސީޑީ ކްލިނިކެއް ހުޅުވައިފި

ކުޅުދުއްފުށީގައި އެންޑޯމެޓްރިއޯސިސް އަދި ގައިން ގަޔަށް ނާރާ ބަލިތަކަށް (އެންސީޑީ) ޚާއްޞަ ކްލިނިކެއް ހުޅުވައިފިއެވެ. މީގެ އިތުރުން ޓެލެމެޑިސިންގެ ޚިދުމަތްވެސް  ކުޅުުދުއްފުށީ ހޮސްޕިޓަލުގައި އިފްތިތާޙްކޮށްފައެވެ. ކުޅުދުއްފުށީ ހޮސްޕިޓަލަށް 43 އަހަރު ފުރުމުގެ މުނާސަބަތުގައި ބޭއްވި ޚާއްޞަ ރަސްމިއްޔާތެއްގައި  ޓެލެމެޑެސިންގެ ޚިދުމަތާއި އެންޑޯމެޓްރިއޯސިސް ޚިދުމަތް އިފްތިތާޙްކޮށްދެއްވީ ރައީސުލްޖުމްހޫރިއްޔާގެ އަނބިކަނބަލުން މެޑަމް ސާޖިދާ މުޙައްމަދެވެ.

First Lady Madam @sajidhaamohamed graces the ceremony held this evening in Kulhudhuffushi City to commemorate the 43rd anniversary of Kulhudhuffushi Regional Hospital. During the event, the First Lady was presented with a gift as a token of appreciation. She also officially… pic.twitter.com/M8AxXy0f73

— The President's Office (@presidencymv) July 6, 2025

އަދި ގައިންގަޔަށް ނާރާ ބަލިތަކުގެ ކުލިނިކުގެ ޚިދުމަތް އިފްތިތާޙްކޮށްދެއްވީ ޑައިރެކްޓަރ ޖެނެރަލް އޮފް ހެލްތު ސަރވިސަސް ޑޮކްޓަރ އަޙްމަދު އަޝްރަފްއެވެ. މިއަދުގެ ރަސްމިއްޔާތުގައި ހދ ކުޅުދުއްފުށީ ރީޖަނަލް ހޮސްޕިޓަލަށް އެކި ގޮތްގޮތުން އެހީތެރިކަން ފޯރުކޮށްދީފައިވާ ފަރާތްތަކުގެ އަގު ވަޒަން ކުރުމުގެ ގޮތުން ދެވޭ ހަނދާނީ ފިލާ ޙަވާލުކުރުމާއި، މަސައްކަތުގެ ރޮނގުން ފާހަގަކޮށްލެވޭ މުވައްޒަފުންނަށް އެކަމުގެ އެވޯޑް ޙަވާލުކުރުންވެސް މިއަދުގެ ޖަލްސާގައި އޮތެވެ. އަދި އެ ހޮސްޕިޓަލަށް 10، 20 އަދި 30 އަހަރަށް ވުރެ ދިގު މުއްދަތަށް ޚިދުމަތް ކުރައްވާފައިވާ މުވައްޒަފުންނަށް އެވޯޑް ޙަވާލުކުރުންވެސް އޮތެވެ. މީގެ އިތުރުން، ހޮސްޕިޓަލަށް ޚިދުމަތްކުރައްވައި، ވަކިވެ ވަޑައިގެންފައިވާ ބޭފުޅުންނަށްވެސް ހަނދާނީފިލާ ޙަވާލުކޮށްދެއްވުން މިޖަލްސާގައި އޮތެވެ. މި އެވޯޑްތައް ބައްސަވައިދެއްވީ ރައީސުލްޖުމްހޫރިއްޔާގެ އަނބިކަނބަލުންނެވެ.