ދިވެހިރާއްޖޭގެ ކަރަންޓުގެ ދާއިރާއަށް ދިމާވެފައިވާ ގޮންޖެހުންތަކަށް ހައްލެއް ހޯދުމާއި، ކުރިމަތިވެފައިވާ މައްސަލަތައް ދެނެގަނެ މަޝްވަރާކުރުމަށް ޚާއްސަ އެއްދުވަހުގެ ވޯކްޝޮޕެއް މިއަދު ކުރިއަށް ގެންގޮސްފިއެވެ.
މި ވޯކްޝޮޕްގައި ކަމާބެހޭ ޔުޓިލިޓީ ކުންފުނިތަކާއި، ޔުޓިލިޓީސް ރެގިއުލޭޓަރީ އޮތޯރިޓީ (ޔޫ.އާރު.އޭ) އާއި، މިނިސްޓްރީ އޮފް ޓްރާންސްޕޯޓް އެންޑް ސިވިލް އޭވިއޭޝަން (އެމް.އޯ.ޓީ.އެމް.ވީ) ގެ އިސް އޮފިޝަލުން ބައިވެރިވެއެވެ.
A one-day workshop with utility companies, URA, and @MoTmv officials is underway, focused on brainstorming and addressing power sector challenges. #Maldives #PowerSector #Workshop@STELCOMALDIVES @MWSC_Official @TeamFenaka pic.twitter.com/Rm7AUVyRhK
— Ministry of Tourism and Environment (@MoTmv) July 3, 2025
މި ވޯކްޝޮޕްގެ މައިގަނޑު މަޤްސަދަކީ، ގައުމީ ފެންވަރުގައި ކަރަންޓުގެ ޚިދުމަތް ދިނުމުގައި ކުރިމަތިވާ މައްސަލަތައް ދެނެގަނެ، އެކަންކަމަށް ދާއިމީ ހައްލުތަކެއް ހޯދުމަށް ހިޔާލު ބަދަލުކޮށް މަޝްވަރާކުރުމެވެ. ހާއްސަކޮށް، ކަރަންޓުގެ ޚިދުމަތް ދިނުމުގައި ދިމާވާ ދަތިތަކާއި، ނިޒާމީ ގޮންޖެހުންތަކަށް އައު ހައްލުތަކެއް ފާހަގަކޮށް، ކުރިއަށް އޮތްތަނުގައި ރައްޔިތުންނަށް ދެމެހެއްޓެނިވި އަދި ހުރަހެއްނެތި ކަރަންޓުގެ ޚިދުމަތް ފޯރުކޮށްދިނުމަށް ކުރެވިދާނެ ކަންކަމާ ބެހޭގޮތުން ފުޅާ ދާއިރާއެއްގައި މަޝްވަރާކުރެވެމުންދާކަމަށް މަޢުލޫމާތު ލިބިފައިވެއެވެ.
މި ވޯކްޝޮޕަކީ، ދިވެހިރާއްޖޭގެ ކަރަންޓުގެ ދާއިރާ އިތުރަށް ހަރުދަނާކޮށް، އާބާދީގެ އިތުރުވުމާ އެކު ކުރިމަތިވާ ކަރަންޓުގެ ބޭނުން އިތުރުވުމަށް ތައްޔާރުވުމުގެ ގޮތުން ކުރެވޭ މުހިންމު މަސައްކަތެކެވެ. މި ވޯކްޝޮޕްގެ ނަތީޖާއެއްގެ ގޮތުން ކަރަންޓުގެ ދާއިރާގައި ހުރި ގޮންޖެހުންތަކަށް ދެމެހެއްޓެނިވި ހައްލުތަކެއް ފެނިގެންދާނެ ކަމަށް އުންމީދުކުރެވެއެވެ.
