އެމެރިކާ ކޯސްޓްގާޑުން ރާއްޖޭގައި ގާއިމްކޮށް އޮޕަރޭޓްކުރަމުންދާ އިންޓަރނޭޝަނަލް ބަނދަރުތައް ބައިނަލްއަޤްވާމީ މިންގަނޑުތަކާ އެއްގޮތަށް ހިންގާތޯ ބެލުމަށްޓަކައި، ކޮންމެ އަހަރަކު ކުރިއަށް ގެންދާ ޕްރޮގްރާމުގެ މަޝްވަރާތައް ފަށައިފިއެވެ.
މި މަޝްވަރާތައް ކުރިއަށް ގެންދަނީ މިނިސްޓްރީގެ ކަމާބެހޭ ބޭފުޅުންނާ އެމެރިކާ ކޯސްޓްގާޑުގެ ޓީމާ ދެމެދުގައެވެ.
ދިވެހިރާއްޖޭގައި ގާއިމްކޮށް އޮޕަރޭޓްކުރަމުންދާ އިންޓަރނޭޝަނަލް ބަނދަރުތައް އޮޕަރޭޓް ކުރަމުންދަނީ ބައިނަލް އަޤްވަމީ މިންގަނޑުތަކާ އެއްގޮތަށް ތޯ ބެލުމަށްޓަކައި ކޮންމެ އަހަރަކު ޔޫ.އެސް ކޯސްޓްގާޑުން ކުރިޔަށް ގެންދާ ޕްރޮގްރާމު މިއަހަރު ކުރިޔަށް ގެންދިއުމަށްޓަކައި މިނިސްޓްރީގެ ކަމާބެހޭ… pic.twitter.com/8tXQGwqbj8
— Ministry of Transport and Civil Aviation (@MoTCAmv) July 2, 2025
މި ޕްރޮގްރާމުގެ މައިގަނޑު މަޤްޞަދަކީ ދިވެހިރާއްޖޭގެ ބަނދަރުތަކުގެ ސަލާމަތީ އިންތިޒާމުތަކާއި ހިންގުން، ބައިނަލްއަޤްވާމީ މިންގަނޑުތަކާ އެއްގޮތްތޯ ކަށަވަރުކުރުން ކަމަށް ޓްރާންސްޕޯޓް މިނިސްޓްރީން މައުލޫމާުދެއެވެ.
މި ދިރާސާއިން ދިވެހިރާއްޖޭގެ ބަނދަރުތަކުގެ ސަލާމަތީ ފެންވަރު އިތުރަށް ހަރުދަނާކުރުމަށް އެހީތެރިވެދޭނެކަމަށް ވެސް މިނިސްޓްރީން މައުލޫމާތުދެއެވެ.
