Monday, November 16
ބައެއް ހިޔާ ފުލެޓުތަކުން މިރޭ ފެނުގެ ޚިދުމަތް ކެނޑޭނެ: އެމްޑަބްލިޔުއެސްސީ
ހިޔާ ފުލެޓުގެ ބައެއް ޓަވަރުތަކުން މިރޭ ފެނުގެ ޚިދުމަތް މެދުކެނޑޭނެ ކަމުގައި މާލޭ ވޯޓަރ އެންޑް ސްވަރޭޖް ކަމްޕެނީ ޕްރައިވެޓް ލިމިޓެޑް (އެމްޑަބްލިޔުއެސްސީ) އިން ބުނެފިއެވެ. އެމްޑަބްލިޔުއެސްސީން ނެރުނު ނޯޓިސްގައި ބުނެފައިވަނީ ހިޔާ ފުލެޓު 6، 8، 10 އަދި 13 ގެ މީޓަރ ރޫމްގައި މެއިންޓަނަންސް މަސައްކަތްތަކެއް ކުރުމަށްޓަކައި ޖުލައި 4 ވާ ހުކުރު ވިލޭރޭ (މިރޭ)، އެ ޓަވަރުތަކުން ފެނުގެ ޚިދުމަތް މެދުކެނޑޭނެ ކަމަށެވެ. މިގޮތުން ހިޔާ ފުލެޓު 6 ގެ 8 ވަނަ ފަންގިފިލާއިން 16 ވަނަ ފަންގިފިލާއާ ދެމެދުގެ ފުލެޓުތަކުން މިރޭ 00:00 އިން 01:00 އަށް ކަރަންޓު ކެނޑުމަށް ހަމަޖެހިފައިވާއިރު، 8 ވަނަ ޓަވަރުގެ ގްރައުންޑް ފްލޯއިން ފެށިގެން 8 ވަނަ ފަންގިފިލާއާ ދެމެދުން ފެނުގެ ޚިދުމަތް މެދުކެނޑޭނީ 01:00 އިން 02:00 އަށެވެ. މީގެ އިތުރުން 10 ވަނަ ޓަވަރުގެ ގްރައުންޑް ފްލޯއިން 8 ވަނަ ފަންގިފިލާއާ ހަމައަށް މިރޭ 02:00 އިން 03:00 އަށް ކަރަންޓު ކެނޑޭނެ ކަމަށާއި، 13 ވަނަ ފުލެޓުގެ 16 ވަނަ ފަންގިފިލާއިން ފެށިގެން 24 ވަނަ ފަންގިފިލާއާ ދެމެދުގެ ފުލެޓުތަކުން 03:00 އިން 04:00 އަށް ފެނުގެ ޚިދުމަތް މެދުކެނޑޭނެ ކަމަށްވެސް އެމްޑަބްލިޔުއެސްސީން ވަނީ ބުނެފައެވެ. އަދި މިކަމުގެ ސަބަބުން ކަސްޓަމަރުންނަށް ދިމާވެދާނެ ދަތިތަކަށް އެ ކުންފުނިން ވަނީ މަޢާފަށް ވެސް އެދިފައެވެ.

މި ލިޔުން ކިޔާލުމުން

Like
Love
Ah Ah
Wow
Sad
ކިޔުންތެރިންގެ ހިޔާލު