ޔުމްނު ވެއްޓުނު ހާދިސާގެ ރިޕޯޓު ޝާއިޢުކުރަން ރައީސް އަންގަވައިފި

2025 އެޕްރީލު 18 ވަނަ ދުވަހު މާލޭގެ ގެއެއްގެ ފުރާޅުމަތީގައި ދިވެހި ޒުވާނަކު ވެއްޓިފައި އޮއްވައި ފެނުނު މައްސަލަ ތަޙުޤީޤު ކުރުމަށް އެކުލަވާލި ކޮމިޝަންގެ ފައިނަލް ރިޕޯޓު ޝާއިޢުކުރުމަށް ރައީސް ޑރ. މުޙައްމަދު މުޢިއްޒު އަންގަވައިފިއެވެ. ކޮމިޝަނާ ޙަވާލުކުރެވުނު މަސައްކަތް ނިންމައި، ކޮމިޝަނުގެ ރިޕޯޓު ރައީސުލްޖުމްހޫރިއްޔާއަށް ހުށަހަޅާފައިވާ ކަމަށް ބުނެ އެކްސްގައި ކުރި ޕޯސްޓް ރީޕޯސްޓް ކުރައްވައި ރައީސް ވިދާޅުވީ، ކޮމިޝަންގެ ރިޕޯޓު ލިބިވަޑައިގެންފައިވާ ކަމަށާއި، މުޅި ރިޕޯޓު ޝާއިޢުކުރުމަށް އިރުޝާދު ދެއްވާފައިވާނެ ކަމަށެވެ.

Received the report from the Commission. Instructed to publish it in full. https://t.co/fF0l8sWxl1

— Dr Mohamed Muizzu (@MMuizzu) June 17, 2025

ރިޔާސީ ކޮމިޝަނަކީ އިމާރާތެއްގެ މަތިން ޔުމްނު ވެއްޓިފައި އޮއްވައި ފެނުނު މައްސަލަ ބަލަން ރައީސް މުއިއްޒު  އޭޕްރީލް މަހުގެ 26 ވަނަ ދުވަހުގެ އުފެއްދެވި ކޮމިޝަނެކެވެ. މި ކޮމިޝަންގައި ފަސް މެމްބަރުން ތިއްބަވައެވެ. ކޮމިޝަން ރައީސް އުފެއްދެވީ އުފެއްދެވީ ފުލުހުން ހިންގާ ތަހުގީގާ މެދު ސުވާލުތަކެއް އުފެދި، އިތުބާރު ގެއްލި ޒުވާނުންތަކެއް މުޒާހަރާވެސް ކުރިފަހުންނެވެ. ކޮމިޝަންގައި ތިއްބަވާ މެމްބަރުންނަކީ ކުރީގެ ބަންޑާރަ ނައިބު ޑރ. މުހައްމަދު މުނައްވަރާއި ބްރިގޭޑިއާ ޖެނެރަލް ރިޓަޔާޑް އަހުމަދު މުހައްމަދާއި ޑރ. މޫސާ މުރާދާއި ޖަބީން މުހައްމަދާއި އައިމިނަތު އީނާސް އެވެ. ކޮމިޝަންގެ ރައީސަކީ މުނައްވަރެވެ.