އޭޝިއަން އެތުލެޓިކްސް ލީޑަރޝިޕް އެވޯޑު ސްޕޯޓްސް ކޮމިޝަނަރަށް

ކޮމިޝަނަރ އޮފް ސްޕޯޓްސް، މުޙައްމަދު ޠަލާލަށް އޭޝިއަން އެތުލެޓިކްސްގެ ލީޑަރޝިޕް އެވޯޑު ލިބިވަޑައިގެންފިއެވެ. މިކަމާ ގުޅިގެން އެކްސްގައި ކުރެއްވި ޕޯސްޓެއްގައި ކުޅިވަރާއި ހަށިހެޔޮކަމާ ބެހޭ ވަޒީރު، ޢަބްދުﷲ ރާފިޢު ވަނީ ދެކުނު ކޮރެއާގެ ގުމީގައި ބޭއްވި އޭޝިއަން އެތުލެޓިކްސް ކޮންގްރެސް 2025 ގައި ސްޕޯޓްސް ކޮމިޝަނަރަށް އެތުލެޓިކްސް ލީޑަރޝިޕް ޕިންގެ ޝަރަފު ލިބިވަޑައިގެންނެވި ކަމަށްޓަކައި މަރުޙަބާ ވިދާޅުވެފައެވެ.

Heartiest Congratulations to @Tholal on being honored with the Asian Athletics Leadership Award at the Asian Athletics Congress 2025 in Gumi, South Korea. We are proud of your dedication and your contribution to Asian Athletics and Maldives Athletics. 👏👏👏 🇲🇻🇲🇻🇲🇻 pic.twitter.com/OZuacV8EmA

— Abdulla Rafiu (@AbdhullahRafiu) May 25, 2025

މީގެ އިތުރުން ވަޒީރު ވިދާޅުވީ އޭޝިއަން އެތުލެޓިކްސް އަށާއި ދިވެހިރާއްޖޭގެ އެތުލެޓިކްސް އަށް ޠަލާލް ކޮށްދެއްވާފައިވާ ޚިދުމަތްތަކާމެދު ފަޚުރުވެރިވެވަޑައިގަންނަވާ ކަމަށެވެ. 26 ވަނަ އޭޝިއަން އެތުލެޓިކްސް ޗެމްޕިއަންޝިޕްސް އޮންނާނީ މި މަހުގެ 27 އިން 31 ގެ ނިޔަލަށް ދެކުނު ކޮރެއާގެ ގުމީ ސްޓޭޑިއަމްގައެވެ. މިއީ މިހާތަނަށް ބާއްވާ އެންމެ އޭޝިއަން އެތުލެޓިކްސްގެ އެންމެ ބޮޑު ޗެމްޕިއަންޝިޕެވެ. މިގޮތުން މި އަހަރުގެ މުބާރާތުގައި 2،000 އަށްވުރެ ގިނަ ފަރާތުން ބައިވެރިވާއިރު، އޭގެ ތެރޭގައި 43 ޤައުމެއް ތަމްސީލްކުރާ 1،193 އެތުލީޓުން ހިމެނެއެވެ.