ދިވެހީންގެ އުފެއްދުންތެރިކަމުގެ މަޢުރަޒު 2025، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިރޭ ހުޅުއްވައި ދެއްވައިފި އެވެ.
ހުޅުމާލެ ސެންޓްރަލް ޕާކުގައި މިރޭ އޮތް ރަސްމިއްޔާތެއްގައި، ދިވެހީންގެ އުފެއްދުންތެރިކަމުގެ މަޢުރަޒު ރައީސް ހުޅުއްވައިދެއްވުމާއެކު ހަވާ އެރުވުމުގެ ޚާއްސަ ހަރަކާތެއް ވަނީ ކުރިއަށް ގެންގޮސްފަ އެވެ. އަދި ރައީސް ވަނީ މައުރަޒުގެ ހުރިހާ ސްޓޯލަކަށް ޒިޔާރަތް ކުރައްވާ މައުރަޒުގައި ހުރި ތަކެތި ބައްލަވާލައްވާފަ އެވެ.
President Dr @MMuizzu and First Lady Madam @sajidhaamohamed tours Maldives Expo 2025, after its official inauguration. They were accompanied by Speaker of Parliament Abdul Raheem Abdulla, cabinet ministers and senior officials of State institutions. The Maldives Expo 2025… pic.twitter.com/8s6BClplxG
— The President's Office (@presidencymv) May 23, 2025
މިއަހަރުގެ މަޢުރަޒުގައި ޖުމްލަ 383 ފަރާތަކުން ބައިވެރިވެފައިވެ އެވެ. އެއީ 14 ކެޓެގަރީއަކުންނާއި 82 ސަބް ގިންތިއަކުންނެވެ.
މިގޮތުން އެންމެ ގިނައިން ބައިވެރިވެފައިވަނީ އަތްތެރި މަސައްކަތުގެ ދާއިރާއިންނެވެ. މި މަޢުރަޒުގައި ހދ. އަތޮޅުން ފެށިގެން ލ. އަތޮޅާއި ހަމައަށް ގިނަ ރަށްތަކަކުން ބައިވެރިވެފައި ވެއެވެ. މަޢުރަޒުގައި އެންމެ ގިނަ ތަކެތި ބައިވެރިކޮށްފައިވަނީ މާލެ އާއި ބ. ތުޅާދޫ އިންނެވެ. މަޢުރަޒުގައި 3،600 އަށް ވުރެ ގިނަ ތަކެތި ބައިވެރި ކުރުމަށް އެޕްލިކޭޝަން ފޯމް ފުރާފައިވާ ކަމަށް މި މަޢުރަޒު، އިންތިޒާމްކޮށް ކުރިއަށް ގެންދަވާ މިނިސްޓްރީ އޮފް އިކޮނޮމިކް ޑިވެލޮޕްމަންޓް އެންޑް ޓްރޭޑާއި، ބިޒްނަސް ސެންޓަރ ކޯޕަރޭޝަން (ބީ.ސީ.ސީ) އިން ވަނީ ހާމަކޮށްފަ އެވެ.
މައުރަޒު މިރޭ 11:00 އާ ހަމައަށް ކުރިއަށް ދާނެ އެވެ. އަދި މާދަމާ އިން ފެށިގެން މި މަހުގެ 31 ވަނަ ދުވަހުގެ ނިޔަލަށް ކުރިއަށް ގެންދާނެ އެވެ.
މި ލިޔުން ކިޔާލުމުން
