ދުވަސްވީ ކައުންސިލް އިމާރާތްތައް އިމާރާތް ކުރަން ޗައިނާ އާއި ހަވާލުކޮށްފި

ރާއްޖޭގެ އެކި ރަށްރަށުގައި ހުރި ދުވަސްވީ ކައުންސިލް އިމާރާތްތައް ޒަމާނީ ފެންވަރަކަށް އިމާރާތް ކުރުމަށް ޓަކައި ޗައިނާގެ ސަރުކާރުންދޭ އެހީގެ ދަށުން، "ލެޓާ އޮފް އެކްސްޗޭންޖު"ގައި މިއަދު ސޮއިކޮށްފިއެވެ. މި ކަމަށް ޓަކައި ބޭއްވި ރަސްމިއްޔާތުގައި، ދިވެހި ސަރުކާރުގެ ފަރާތުން ސޮއިކުރެއްވީ ކޮންސްޓްރަކްޝަން، ހައުސިން އެންޑް އިންފްރާސްޓްރަކްޗަރު މިނިސްޓަރު ޑރ. އަބްދުﷲ މުއްތަލިބެވެ. ޗައިނާ ސަރުކާރުގެ ފަރާތުން ސޮއިކުރެއްވީ އެ ގައުމުން ރާއްޖެއަށް ކަނޑައަޅުއްވާފައި ހުންނަވާ ސަފީރު ކޮންގް ޒިންހުއާއެވެ.

At a special ceremony held today, the Minister of Construction, Housing and Infrastructure, Dr. Abdulla Muththalib, and the Ambassador of the People's Republic of China to the Republic of Maldives, H.E. Mr. Kong Xianhua, signed the letter of exchange for the development of… pic.twitter.com/7QZDsDQYgM

— Ministry of Construction, Housing & Infrastructure (@MoCImv) May 22, 2025

ރައީސް ޑރ. މުހައްމަދު މުއިއްޒު ނިންމަވާފައިވަނީ މި ވެރިކަމުގައި 55 ކައުންސިލް އިމާރާތް އުމްރާނީ ގޮތުން ތަރައްގީކުރަން ކަމަށް ލޯކަލް ގަވަމެންޓު މިނިސްޓަރު އާދަމް ޝަރީފް މީގެ ކުރިން ވިދާޅުވެފައިވެއެވެ.

އެ 55 ރަށުގައި ކައުންސިލް އިދާރާ އެޅުމަށް މެލޭޝިޔާގެ ކުންފުންޏަކަށް ސަރުކާރުން ހަވާލުކުރީ މި އަހަރުގެ ޖެނުއަރީ 20ގައެވެ.