މޯލްޑިވްސް ޓްރާންސްޕޯޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން މިއަދު ހާމަކުރި ގޮތުގައި ފ. ނިލަންދޫ ގޮނޑުދޮށް ހިމާޔަތްކުރުމުގެ މަޝްރޫޢުގެ 55 އިންސައްތަ މަސައްކަތް ނިމިއްޖެއެވެ.
އެމްޓީސީސީން ދެއްވި މަޢުލޫމާތުގައިވާ ގޮތުން، މި މަޝްރޫޢުގެ ދަށުން ކުރަމުންދާ ޖިއޯ ބޭގް ރިވެޓްމަންޓްގެ 85 އިންސައްތަ މަސައްކަތް ވަނީ ނިންމާފައެވެ. މީގެ އިތުރުން، ބިން ހިއްކާފައިވާ ސަރަހައްދުގެ 503 މީޓަރުގައި ޖިއޯ ބޭގް ޖެހުމަށް ވަނީ ރޭވިފައެވެ. އަދި 247 މީޓަރު ސަރަހައްދެއްގައި ބޮޑު ހިލަ ޖެހުމަށްވެސް ވަނީ ހަމަޖެހިފައެވެ.
ސަރުކާރުން އެމްޓީސީސީއާ ހަވާލުކޮށްގެން ކުރިއަށްގެންދާ މި މަޝްރޫޢުގެ އަގަކީ 61.75 މިލިއަން ރުފިޔާއެވެ. މި މަޝްރޫޢަކީ ރާއްޖޭގެ އެކި ރަށްރަށުގައި ސަރުކާރުން ކުރިއަށްގެންދާ ބަނދަރު ހެދުމާއި، ބިން ހިއްކުމާއި، ރަށްގިރުމުގެ މައްސަލަ ހައްލުކުރުމުގެ މަސައްކަތްތަކުގެ ތެރެއިން އެއް މަޝްރޫޢެވެ.
އެމްޓީސީސީން ފާހަގަކުރި ގޮތުގައި، މި ކުންފުނިން ދަނީ ރާއްޖޭގެ އެކި ރަށްރަށުގައި އެއަރޕޯޓު ހެދުމުގެ މަސައްކަތްތައްވެސް ކުރިއަށް ގެންދަމުންނެވެ.
ފ. ނިލަންދޫގެ ގޮނޑުދޮށް ހިމާޔަތްކުރުމުގެ މަޝްރޫޢު ނިމުމުން، އެ ރަށުގެ ރައްޔިތުންނަށް އިތުރު ރައްކާތެރިކަމަކާއި، ގޮނޑުދޮށް ގިރުމުގެ މައްސަލައަށް ދާއިމީ ހައްލެއް ލިބިގެންދާނެ ކަމަށް އުއްމީދު ކުރެވެއެވެ.
މި ލިޔުން ކިޔާލުމުން
