މާލެގެ ބޮޑުތަކުރުފާނު މަގުގެ އުތުރު ސަރަޙައްދު ހަތަރު ލޭނަށް ބަދަލުކޮށް، ޒަމާނީ ފެންވަރަށް ތަރައްޤީކުރުމަށް ސަރުކާރުން ހަވާލުކޮށްފައިވާ މަޝްރޫއުއަށް އާއްމުންގެ ޚިޔާލު ހޯދުމަށް ހުޅުވާލައިފި އެވެ.
މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން މިއަދު ކުރި ޕޯސްޓުގައި ވަނީ، ބޮޑުތަކުރުފާނު މަގުގެ އުތުރު ބައި ތަރައްގީކުރުމާ ގުޅޭ ގޮތުން އެންވަޔަރަމެންޓަލް އިމްޕެކްޓް އެސެސްމަންޓް (އީއައިއޭ) ދިރާސާގެ ބޭނުމަށް، އާއްމުންގެ ޚިޔާލު އެއްކުރުމަށް ސާވޭއެއްގައި ބައިވެރިވުމަށް ހުޅުވާލާފަ އެވެ.އެމަސައްކަތް ކުރުމަށް ހަވާލުކޮށްފައިވަނީ އެމްޓީސީސީއާއެވެ.
އެމްޓީސީސީން ބުނެފައިވަނީ އެ މަގު ބޭނުންކުރަމުންދާ ގޮތާއި ބޭނުންކުރާ ވަރު، ދެނެގަނެ މަޝްރޫއުގެ ކަންކަން ރާވާ، ބައްޓަން ކުރުމަށް އެ މައުލޫމާތު ބޭނުން ކުރެވޭނެ ކަމަށެވެ.
މާލެ ބޮޑުތަކުރުފާނު މަގުގެ އުތުރު ސަރަހައްދު ޒަމާނީ ފެންވަރަށް ތަރައްގީކުރުމުގެ މަސައްކަތް އެމްޓީސީސީއާ ހަވާލުކުރީ މިދިޔަ އޭޕްރިލް 9 ގަ އެވެ. އެ ކުންފުންޏާއި އެ މަޝްރޫއު ހަވާލުކުރީ، 455 ދުވަހުގެ ތެރޭގައި ނިންމާގޮތަށް 144.5 މިލިޔަން ރުފިޔާއަށެވެ.We are seeking public feedback on the development of Boduthakurufaanu Road (North Side, Malé). Kindly please scan the QR code and take a moment to complete our short survey. Your feedback is very valuable to us! Link: https://t.co/JviraQualk#MTCCprojects #RayyithungeKunfuni… pic.twitter.com/hprgk2Ghjo
— MTCC Plc (@MTCCPlc) May 17, 2025
މި މަޝްރޫއުގެ ދަށުން، ހުޅުމާލޭ ފެރީ ޓާމިނަލުން ފެށިގެން ލޯކަލް މާރުކޭޓާ ހަމަޔަށް 830 މީޓަރު ސަރަހައްދެއްގައި ތާރުއަޅާނެ އެވެ. ދުވާރާއި، ފެން ހިންދާ ނިޒާމު ވެސް މި މަޝްރޫއުގެ ދަށުން ގާއިމުކުރާނެ އެވެ.
