ހުޅުމާލޭގައި މީހުން އާބާދުވިތާ 21 އަހަރު ފުރުން ފާހަގަކުރުމަށް "ހުޅުމާލެ ބީޗް ފެސްޓް"ކާމިޔާބުކަމާއެކު ކުރިއަށް ގެންގޮސްފިއެވެ. މި ފެސްޓިވަލް ބޭއްވެނީ ހުޅުމާލެ ބީޗުގައި ކަމަށްވާއިރު، މިއަދު ހެނދުނު 8:30 އިން ފެށިގެން ގިނަ ހަރަކާތްތަކެއް ވަނީ ކުރިއަށް ގެންގޮސްފައެވެ.
ފެސްޓިވަލްގައި ތަފާތު އެކި ކުޅިވަރުތައް ކުރިއަށްދާއިރު، ބީޗް ވޮލީ، ބީޗް ހޭންޑްބޯލް އަދި ބީޗް ފޗް ފުޓްބޯޅަ މުބާރާތްތައް ހިމެނެއެވެ. މީގެ އިތުރުން ކެނޯ ރޭސް އަދި ވާދެމުން ފަދަ ކުޅިވަރުތައްވެސް ކުރިއަށްދާކަމަށް އިވެންޓް އޮގަނައިޒަރުން މަޢުލޫމާތު ދެއެވެ.
ކުޑަކުދިންނަށް ޚާއްޞަކޮށްގެން ތައްޔާރުކޮށްފައިވާ ސްޓޯލްތަކެއްވެސް މި ފެސްޓިވަލްގައި ހިމެނޭކަން ފާހަގަކުރެވެއެވެ. މި ސްޓޯލްތަކުގައި ކުޑަކުދިންނަށް އުފާވެރި ވަގުތުތަކެއް ހޭދަކުރެވޭނެ ކަމަށް ބެލެވެއެވެ.
ފެސްޓިވަލްގެ ނިންމުމުގެ ރަސްމިއްޔާތު މިއަދު ހަވީރު ބޭއްވުމަށް ހަމަޖެހިފައިވާއިރު، ހަވީރުގެ ވަގުތުތަކުގައިވެސް ތަފާތު އެކި ހަރަކާތްތައް ކުރިއަށް ގެންދިއުމަށް ވަނީ ރޭވިފައެވެ.
ހުޅުމާލޭގެ އަހަރީ ދުވަހާ ގުޅިގެން މި ހަފްތާގެ ތެރޭގައި އެޗްޑީސީން ވަނީ އިތުރު ހަރަކާތްތަކެއްވެސް ކުރިއަށް ގެންގޮސްފައެވެ. މީގެ ތެރޭގައި ސައިކްލިން ޗެމްޕިއަންޝިޕް، ހެލްތު ކޭމްޕް އަދި މަސް ރޭހެއް ހިމެނެއެވެ.
މި ލިޔުން ކިޔާލުމުން
