އޭޕްރީލްމަހު ސިންގަލް ޕޭރެންޓް އެލަވަންސް އަށް 5 މިލިއަނަށް ވުރެ ގިނަ ރުފިޔާ ޚަރަދު ކުރި: އެންސްޕާ

ފަގީރު ހާލަތުގައި ދިރިއުޅޭ އެކަނި ދަރިން ބަލަހައްޓާ މައިން ނުވަތަ ބަފައިންނަށް ދެވޭ އެހީ މި ނިމުނު އޭޕްރީލް މަހު، ފަސް ހާހަށްވުރެ ކުޑަކުދިންނަށް ދެވުނު ކަމަށް ނޭޝަނަލް ސޯޝަލް ޕްރޮޓޭކްޝަން އެޖެންސީ ( އެންސްޕާ ) އިން ހާމަކޮށްފިއެވެ. އެންސްޕާ އިން ހާމަކޮށްފައިވާ ތަފާސް ހިސާބުތަކަށް ބަލައިރު މި އެލަވަންސް މިއަހަރުގެ އޭޕްރީލް މަހުގެ ނިޔަަލަށް 2939 މައިން/ ބަފައިން ނަށް ދެވެއެވެ. އޭގެ ތެރޭގައި އަލަށް ރަޖިސްޓްރީ ކުރެވުނު މައިން/ ބަފައިން އަދަދަކީ  37 އެކެވެ.

ފަޤީރު ހާލަތުގައި ދިރިއުޅޭ އެކަނި ދަރިން ބަލަހައްޓާ މައިން ނުވަތަ ބަފައިންގެ ޕްރޮގްރާމްގައި ހިމެނިފައިވާ ފަރާތްތަކަށް ދީފައިވާ މާލީ އެހީ އެޕްރީލް 2025 pic.twitter.com/pFQqgJQejS

— NSPA (@NSPAmaldives) May 15, 2025

އެންސްޕާގެ ތަފާސް ހިސާބުތައް ދައްކާގޮތުން މިދިޔަ އޭޕްރީލް މަހުގެ ނިޔަކަށް މާލީ އެހީލިބޭ ކުދިންގެ އަދަދަކީ 5012 އެވެ. މާލީ އެހީގެ ގޮތުގައި 5033000  ރުފިޔާ ޚަރަދުކުރެވިފައިވާ ކަމަށްވެސް އެންސްޕާ އިން މައުލޫމާތުދެއެވެ.