ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ ސަރުކާރުން ޖުޑީޝަރީއަކާ ނުކުޅޭނެ ކަމަށާއި ޢަދުލު އިންސާފާއި ފެއަށް ނުދާނެ ކަމަށް ޚާރިޖީ ވަޒީރު، ޑރ. ޢަބްދުﷲ ޚަލީލް ވިދާޅުވެއްޖެ އެވެ.
އެމަނިކުފާނު އެކްސްގައި ކުރެއްވި ޕޯސްޓެއްގައި ވިދާޅުވީ ޖުޑީޝަލް ސަރވިސް ކޮމިޝަންގެ ތަޙުޤީޤާ ގުޅިގެން ރައްޔިތުންގެ މަޖިލީހުން، ސުޕްރީމް ކޯޓުގެ ފަނޑިޔާރުން ވަކިކުރުމުގައިވެސް ޢަމަލުކޮށްފައިވާނީ މި މަގުން ކަމަށެވެ. އަދި މި ސަރުކާރުން އަބަދުވެސް މަސައްކަތްކުރާނީ ޤާނޫނު ނެގެހެއްޓުމަށާއި ޖުޑީޝަރީގެ މިނިވަންކަން ދެމެހެއްޓުމަށް ކަމަށެވެ.
ސުޕްރީމް ކޯޓުގެ ދެ ފަނޑިޔާރުން ވަކިކުރީ ޖުޑިޝަލް ސާވިސް (ޖޭއެސްސީ)އިން ހިންގި ތަހުގީގަކުން ރައްޔިތުންގެ މަޖިލީހުން ކަން ފާހަގަކުރައްވައި ޚަލީލް ވިދާޅުވީ، ޝަރުއީ ދާއިރާގެ އެއްވެސް މައްސަލައަކަށް ރައީސް މުއިއްޒު ހުރަހެއް ނާޅުއްވާނެ ކަމަށެވެ.
އެމަނިކުފާނު މަސައްކަތް ކުރައްވަނީ، ޝަރުއީ ދާއިރާ ހިންގުމުގެ ނިޒާމާ ވަކިކުރައްވައި، މިނިވަންކޮށް ބޭއްވުމަށް ކަމަށް މިނިސްޓަރު ވަނީ ވިދާޅުވެފައެވެ. އަދި، އިދިކޮޅު އިސް ބޭފުޅުން ބޭރުގެ ފަރާތްތަކަށް ހަގީގަތް ހާމަކޮށްދެއްވާނެ ކަމަށް އުންމީދުކުރައްވާ ކަމަށް ޚަލީލް ވަނީ ވިދާޅުވެފައެވެ.The Government of President Dr @MMuizzu will not interfere with the Judiciary. Nor will it undermine due process.
This is the case with the recent dismissal of the two Supreme Court Justices by the Parliament, following the investigation by the Judicial Services commission.… — Abdulla Khaleel (@abkhaleel) May 17, 2025
ޑރ. ޚަލީލް މިފަދައިން ވިދާޅުވެފައިމިވަނީ ސުޕްރީމް ކޯޓުގެ ފަނޑިޔާރުކަމުން ޑރ. އަޒްމިރަލްދާ ޒާހިރާއި އުސްތާޛް މަހާޒު ޢަލީ ޒާހިރު ވަކިކޮށްފައިވަނީ ރައީސުލްޖުމްހޫރިއްޔާ، ޑރ. މުޙައްމަދު މުޢިއްޒު އެކަމުގެ ތެރެއަށް ނުފޫޒު ފޯރުވާ، އެމަނިކުފާނު ބޭނުންފުޅުވާ ގޮތަށް މައްސަލަ ނިންމަން ކޮމިޝަނުގެ މެންބަރުން ބަދަލުކުރި ކަމުގެ ތުހުމަތު، އިދިކޮޅު ފަރާތްތަކުން ކުރަމުންދާ ދަނޑިވަޅެއްގައެވެ.
