މުވާސަލާތް ކުރިއަރާފައިވާ މިޒަމާނުގައި ރާއްޖެ އިތުރަށް އިޝްތިހާރުކުރަންޖެހޭ: ރައީސް

މުވާސަލާތީގޮތުން ކުރިއަރާފައިވާ ދުނިޔޭގައި އަޅުގަނޑުމެން މަސައްްކަތް ކުރަންވާނީ އޭގެ ބޭނުން ހިފާ ދިވެހިރާއްޖެ އިޝްތިހާރުކޮށް މަގުބޫލުކަން އިތުރުކުރުމަށް ކަމަށް ރައީސުލްޖުމްހޫރިއްޔާ ޑރ.މުހައްމަދު މުއިއްޒު ވިދާޅުވެއްޖެ އެވެ. ދުނިޔޭގެ މުވާސަލާތާއި މައުލޫމާތު ދާއިރާގެ ދުވަހުގެ ތަހުނިޔާ ފޮނުއްވަމުން ރައީސް އިތުރަށް ވިދަޅުވީ ގައުމަށް އާމްދަނީ ހޯދޭނެ މަގުތައް ފަހިކުރުމަށް ވެސް އަޅުގަނޑުމެން މަސައްކަތްކުރަން ވާނެ ކަމަށެވެ.

މުވާޞަލާތީ ގޮތުން ދުނިޔެ މިދެކޭ ހަލުވި ކުރިއެރުމުގެ ބޭނުން އަޅުގަނޑުމެން ހިފަންވީ ދިވެހިރާއްޖެ އިޝްތިހާރުކޮށް، މަޤްބޫލުކަން އިތުރު ކުރުމަށް. ޤައުމަށް އާމުދަނީ ހޯދޭނެ މަގުތައް ފަހި ކުރުމަށް. މުވާޞަލާތާއި މަޢުލޫމާތު ފެތުރުމުގެ ދާއިރާގެ އެކި މަސައްކަތްތައް ރާއްޖޭގައި ކުރައްވަވާ… pic.twitter.com/iih32a4HzA

— Dr Mohamed Muizzu (@MMuizzu) May 17, 2025

ދުވަހުގެ ތަހުނިޔާ ދާއިރާގައި މަސައްކަތްކުރައްވާ ހުރިހާ ފަރާތްތަކަށް އަރުއްވަމުން ރައީސް ވިދާޅުވީ މި ދާއިރާގެ ހިދުމަތްތެރިންނަށް އިތުރު ކާމިޔާބީއަށް އެދޭ ކަމަށެެވެ. ކޮންމެ އަހަރެއްގެ ވެސް މޭ މަހުގެ 17 އަކީ ދުނިޔޭގެ ޓެލެކޮމިއުނިކޭޝަން އަދި އިންފޮމޭޝަން ސޮސައިޓީގެ ދުވަހެވެ. މި އަހަރުގެ މިދުވަހުގެ ޝިއާރަކަށް ކަނޑައަޅާފައިވަނީ "ޑިޖިޓަލް ޓްރާންސްފޮރމޭޝަންގައި މިންތީގެ ހަމަހަމަކަން" އެވެ.