ވޯޓު ލުން ފިޔަވައި ހުރިހާ ކަމެއް ޑިޖިޓަލައިޒް ކުރުމަކީ ޤައުމުގެ ތަރައްޤީ އަށް އިޚްލާޞްތެރި ފިޔަވަޅެއް: އާދަމް ޝަރީފް

ވޯޓު ލުން ފިޔަވައި ހުރިހާ ކަމެއް ޑިޖިޓަލައިޒް ކުރަން ރައީސުލްޖުމްހޫރިއްޔާ ޑރ. މުޙައްމަދުހމުޢިއްޒު ނިންމެވުމަކީ ޤައުމު ތަރައްޤީ ކުރުމަށް އެޅުއްވި އިޚްލާޞްތެރި ފިޔަވަޅެއް ކަމަށް ސިޓީސް އެންޑް ލޯކަލް ގަވަރމަންޓް މިނިސްޓަރ އާދަމް ޝަރީފް ވިދާޅުވެއްޖެއެވެ. އެމަނިކުފާނު މިހެން ވިދާޅުވީ ރޭ އިފްތިތާހް ކުރެވުނު 'ދިވެހިރާއްޖެ 2.0 ޑިޖިޓަލް ޓްރާންސްފޮމޭޝަން ސަމިޓްގައި ރައީސް ދެއްކެވި ވާހަކަފުޅަށް އިޝާރާތްކުރައްވައެވެ.

ވޯޓު ލުން ފިޔަވައި ހުރިހާ ކަމެއް ޑިޖިޓަލައިޒް ކުރަން ރައީސުލްޖުމްހޫރިއްޔާ ޑރ. މުޙައްމަދުހމުޢިއްޒު ނިންމެވުމަކީ ޤައުމު ތަރައްޤީ ކުރުމަށް އެޅުއްވި އިޚްލާޞްތެރި ފިޔަވަޅެއް: ވަޒީރު @Adamshareefz #DigitalGovMv pic.twitter.com/DTIjSlwqvd

— Ministry of Cities, Local Government, Public Works (@MoCLPmv) May 10, 2025

ޑިޖިޓަލައިޒޭޝަންގެ ތެރެއިން ކޮރަޕްޝަން ނައްތާލެވޭނެގޮތްތަކަށް އަލިއަޅުއްވާލައްވައި ވާހަކަފުޅު ދައްކަވަމުން، ޑިޖިޓަލައިޒޭޝަންގެ ތެރެއިން ވަރަށް ބޮޑަށް ދެފުށް ފެންނާނެ ނިޒާމެއް ޤާއިމުކުރެވޭނެކަން ރައީސުލްޖުމްހޫރިއްޔާ ފާހަގަކުރެއްވިއެވެ. އަދި ޑިޖިޓަލައިޒޭޝަންގެ ތެރެއިން މިހާރު ބޭނުންކުރާ އައި.ޑީ.ކާޑަކީ، ސްމާޓް، ޑިޖިޓަލް، އަދި ހުރިހާ ޚިދުމަތެއް އެ ކާޑުން ހޯދޭނެގޮތް ހިމެނޭކާޑަކަށް ހެދުމަށް މަސައްކަތްކުރައްވާނެކަން އެމަނިކުފާނު ފާހަގަކުރެއްވިއެވެ. ހަމައެއާއެކު ސައިބަރ ސެކިއުރިޓީ އިންތިހާއަށް ރަނގަޅުކޮށް، ޚިދުމަތުގެ ނިޒާމް ވަރުގަދަކުރެވޭނެ ކަމުގައިވެސް އެމަނިކުފާނު ވިދާޅުވިއެވެ. ރައީސް ރޭ ވިދާޅުވީ ޑިޖިޓަލައިޒްކުރުމުގެ އެންމެ މައިގަނޑު އެއް މަޤުޞަދަކީ މިޤައުމުން ކޮރަޕްޝަންގެ ވަބާ ނައްތާލުންކަމުގައެވެ.