ރައްޔިތުންގެ މަޖިލީހުގެ ޖުޑިޝިއަރީ ކޮމިޓީގައި އޮއްވައި، މިއަދު އެ ކޮމިޓީއަށް ބަދަލެއް ގެނެސްފިއެވެ.
މިއަދުގެ ޖަލްސާގައި ރިޔާސަތުން ވަނީ ކޮމިޓީއަށް ގެނައި ބަދަލެއް އިއުލާނުކޮށްފައެވެ. އެ ބަދަލަކީ ޖުޑިޝަރީ ކޮމިޓީގައި ކުރިން ހިމެނިވަޑައިގެންނެވި ފޭދޫ އުތުރު ދާއިރާގެ ޕީއެންސީގެ މެންބަރު އިސްމާއިލް ނިޒާރު އެ ކޮމިޓީން ވަކިކޮށް، އޭގެ ބަދަލުގައި އެ ކޮމިޓީއަށް ކޮލަމާފުށީ ދާއިރާގެ މެންބަރު އިބްރާހިމް ދީދީ އައްޔަނުކުރެއްވުމަށެވެ.
މި ބަދަލު ގެނައި ސަބަބެއް ނޭނގެ އެވެ. ކޮމިޓީތަކުގައި ތިއްބަވާ މެންބަރުންނަށް ދޭތެރެދޭތެރެއިން ބަދަލު ގެނެ އެވެ.
ރައްޔިތުންގެ މަޖިލީހުގައި ގިނަ ކޮމިޓީތަކެއްގެ ބައްދަލުވުން މިއަދަށް ތާވަލުކޮށްފައިވީ ނަމަވެސް، ޖުޑިޝަރީ ކޮމިޓީގެ ބައްދަލުވުމެއް މިއަދަކު ނެތެވެ. އިއްޔެ ޖުޑިޝަރީ ކޮމިޓީގެ ބައްދަލުވުން ހެނދުނު 11:00 އަށް ތާވަލުކުރި އެވެ. އެކަމަކު، އެ ބައްދަލުވުން ފަހުން މެންދުރު 1:00 އަށް ބަދަލުކުރި އެވެ. ނަމަވެސް އެ ބައްދަލުވުން ފަހުން ކެންސަލްކޮށްފައިވާ ކަމަށް މަޖިލީހުގެ އިދާރާ އިން ބުންޏެވެ. އެކަމަކު، ބައްދަލުވުން ކެންސަލްކުރި ސަބަބެއް ނުބުނެ އެވެ.
ފާހަގަކޮށްލަން ޖެހޭގޮތުގައި މަޖިލީހުގެ ޖުޑީޝަރީ ކޮމެޓީގެ ޕީއެންސީ ސްލޮޓަކަށް ބަދަލުމިގެނައީ، ސުޕްރީމް ކޯޓުގެ ދެ ފަނޑިޔާރުން ވަކިކުރަން ހުށަހަޅާފައި އޮތް މައްސަލަ ރައްޔިތުންގެ މަޖިލީހުގެ ޖުޑިޝިއަރީ ކޮމިޓީގައި އޮއްވައެވެ.
މި ލިޔުން ކިޔާލުމުން
