އެ ސުވާލަށް ޖަވާބުދެއްވަމުން އަމީން ވިދާޅުވީ ކާޑެއްދޫ އެއާޕޯޓު ސަރުކާރާ ހަވާލުކުރުމަށް އެއްވެސް ހުށަހެޅުމެއް މިހާތަނަށް ހުށަހަޅާފައި ނުވާ ކަމަށެވެ.ގަލޮޅު އުތުރު ދާއިރާގެ މެންބަރު މުޙައްމަދު އިބްރާހީމް، މިނިސްޓަރ އޮފް ޓްރާންސްޕޯޓް އެންޑް ސިވިލް އޭވިއޭޝަން އަލްފާޟިލް މުޙައްމަދު އަމީންއާ ސުވާލުކުރެއްވުން pic.twitter.com/q7rBh9vUlF
— People's Majlis (@mvpeoplesmajlis) May 7, 2025
"ރަސްމީކޮށް ތިކަހަލަ އެއްވެސް އެންގުމެއް ސަރުކާރަށް އަންގާފައެއް ނެތް. ކެމްޕެއިން ތެރޭގައި ނޫނީ ސޯޝަލް މީޑިއާގައި ހިނގަމުންދާ ކަންތައްތަކަށް އަޅުގަނޑަށް ވަރަށް ދަތިވާނެ އެއްޗެއް ދަންނަވަން،" އަމީން ވިދާޅުވިއެވެ.
"ކާޑެއްދޫ އެއާޕޯޓު ތަރައްގީކުރުމަށް ސަރުކާރުން ގެންގުޅޭ ވިސްނުމާއި ޕްލޭން ރައީސް އެވަނީ ވިދާޅުވެދެއްވާފައި. އަޅުގަނޑުމެން މިހާރު އެބަ ގެންދަން ޑައިލޮގްތަކެއް އެ އެއާޕޯޓާ ހަވާލުވެ ތިބި މީހުންނާއެކީ ތަރައްގީކުރުމަށް،" އަމީން ވިދާޅުވިއެވެ.
މިނިސްޓަރ ވިދާޅުވީ ކާޑެއްދޫ އެއަރޕޯޓް ބައިނަލްއަޤްވާމީ ފެންވަރަށް ތަރައްޤީކުރެއްވުމަށް ރައީސުލްޖުމްހޫރިއްޔާ ވެވަޑައިގެންނެވި ވައުދާއެއްގޮތަށް އެމަސައްކަތް ކުރުމަށް އެއެއަރޕޯޓު ހިންގަމުންދާ ފަރާތަކަމުގައިވާ ވިލާއެއަރއާއެކު މަޝްވަރާތަކެއް ކުރައްވަމުންގެންދަވާކަމަށެވެ.
