ދިވެހިބަހާ ސަޤާފަތާ ތަރިކައާ ބެހޭ ވުޒާރާގެ މުޝީރު މަޑުލު މުޙައްމަދު ވަޙީދު އަވަހާރަވުމާ ގުޅިގެން، އެ މަނިކުފާނުގެ ހަނދާނުގައި ބާއްވާ ތަޢުޒިޔާގެ ދަފްތަރު ހުޅުވާލީ މި އެޕްރީލް މަހުގެ 17 ވަނަ ދުވަހު އެވެ. މިއަދަކީ މި ދަފްތަރުގައި ލިޔުމުގެ އެންމެ ފަހު ދުވަހެވެ. މިގޮތުން މިއަދު މެންދުރުފަހު 1:30 އާ ހަމައަށް ދަފްތަރުގައި ސޮއިކުރުމުގެ ފުރުޞަތު ވަނީ ހުޅުވާލައިފައެވެ. މި މަހުގެ 13 ވަނަ ދުވަހު އަވަހާރަވި މަޑުލު މުޙައްމަދު ވަޙީދަކީ ދިވެހިބަހާއި އަދަބިއްޔާތާއި ތާރީޚާއި ސަގާފަތުގެ ރޮނގުން ގިނަގުނަ ޚިދުމަތްތަކެއް ކޮށްދެއްވާފައިވާ އެކެޑަމީގެ މުޝީރެކެވެ. އެ މަނިކުފާނަކީ 46 އަހަރަށްވުރެ ދިގު މުއްދަތެއްގައި ދިވެހިބަހުގެ ލިޔުންތެރިކަމުގެ ދާއިރާއަށް މެދުނުކެނޑި ޚިދުމަތް ކުރައްވަމުން ގެންދެވި ބޭފުޅެކެވެ. މަޑުލު މުޙައްމަދު ވަޙީދުގެ އަގުހުރި ޚިދުމަތްތަކަށް ބައްލަވައި، 2019 ވަނަ އަހަރު ދިވެހިބަހުގެ ލިޔުންތެރިކަން ކުރިއެރުވުމުގެ ރޮނގުން ޝަރަފުވެރިކަމުގެ ޤައުމީ އިނާމު ލިބިވަޑައިގެންނެވިއެވެ. މީގެއިތުރުން، 2018 ވަނަ އަހަރު ނޫސްވެރިކަމުގެ ޝަރަފުގެ އަލިމަސް ގަލަމާއި، ޢާންމު ޚިދުމަތަށް ހިތްވަރުދިނުމުގެ އިނާމު ދެ ފަހަރުމަތިން ހާސިލުކުރެއްވިއެވެ.ކުރީގެ ރައީސް، އިބްރާހީމް މުޙައްމަދު ޞާލިޙް އަލްމަރްޙޫމު މަޑުލު މުޙައްމަދު ވަޙީދުގެ ތަޢުޒިޔާގެ ދަފުތަރުގައި ލިޔުއްވައިފި. pic.twitter.com/km9XQm7CZr
— Dhivehibahuge Ekedamee (@DhivehiEkedamee) April 30, 2025
ކުރީގެ ރައީސް ޞާލިޙް މަޑުލު ވަޙީދުގެ ތައުޒިޔާގެ ދަފްތަރުގައި ލިޔުއްވައިފި
ކުރީގެ ރައީސް އިބްރާހީމް މުޙައްމަދު ޞާލިޙް، އަލްމަރްޙޫމު މަޑުލު މުޙައްމަދު ވަޙީދުގެ ތަޢުޒިޔާގެ ދަފުތަރުގައި ލިޔުއްވައިފިއެވެ.
މި ލިޔުން ކިޔާލުމުން
