ރައީސް އަށް މެލޭޝިއާ އިން ހޫނު މަރުހަބާއެއް!

ރައީސުލް ޖުމުހޫރިއްޔާ ޑރ މުހައްމަދު މުއިއްޒު މެލޭޝިއާގެ ބޮޑުވަޒީރު އަންވަރު އިބްރާހީމްގެ ދައުވަތަކަށް ކުރައްވާ ރަސްމީ ދަތުރުފުޅުގައި  މެލޭޝިއާއަށް ވަޑައިގެންފި އެވެ. އެމަނިކުފާނަށް ވަނީ މެލޭޝިއާއިން ހޫނު މަރުހަބާ އެއް ދަންނަވާފައެވެ. އެމަނިކުފާނަށް އެއަރޕޯޓުން މަރުހަބާ ދެންނެވީ މެލޭޝިއާގެ މިނިސްޓަރ އޮފް ހެލްތު ޑރ ހާޖީ ޒުލްކެފްލީ އަޙްމަދާއި، އަދި މެލެޝިއާގެ ސަރުކާރުގެ އިސްބޭފުޅުންނެވެ. މީގެ އިތުރުން  ދިވެހިރާއްޖެއިން އިން މެލޭޝިއާ އަށް ކަނޑައަޅާފައި ހުންނަވާ ސަފީރު ޑރ. މަރިޔަމް ޝަބީނާ އަޙްމަދު ވެސް އެމަނިކުފާނަށް މަރުހަބާ ދެންނެވުމަށް ވަޑައިގެންނެވިއެވެ. އެމަނިކުފާނަށް ވަޑައިގަތުމާއި އެކު ވަނީ އޮނަރ ގާޑެއް އަރުވާފައެވެ.

H.E. President Dr @MMuizzu arrives in Malaysia on an official visit at the invitation of His Excellency Anwar Ibrahim, Prime Minister of Malaysia. The President was welcomed by Dr Haji Dzulkefly Ahmad, Minister of Health (Minister-in-Attendance), His Excellency Dato’ Yubazlan… pic.twitter.com/fJipNQtEkX

— The President's Office (@presidencymv) April 27, 2025

ރައީސުލްޖުމްހޫރިއްޔާ މި ދަތުރުފުޅުގައި މެލޭޝިއާގެ ބޮޑުވަޒީރު އަންވަރު އިބްރާހީމްގެ ދައުވަތަކަށް އެމަނިކުފާނު ކުރައްވާ ރަސްމީ ދަތުރުފުޅެކެވެ. މިއީ އެމަނިކުފާނު ވެރިކަމާ ހަވާލުވެވަޑައިގެންނެވިފަހުން އެ ޤައުމަށް ކުރައްވާ ފުރަތަމަ ރަސްމީ ދަތުރުފުޅެވެ. މި ދަތުރުފުޅުގައި ރައީސުލްޖުމްހޫރިއްޔާ މެލޭޝިއާގެ ބޮޑުވަޒީރާ ބައްދަލުކުރައްވައި ރަސްމީ މަޝްވަރާތައް ކުރިއަށްގެންދަވާނެއެވެ. މިބައްދަލުވުމުގައި، އެއް ޤައުމުން އަނެއް ޤައުމަށް އެއްބާރުލުންދިނުމާއި ގުޅޭގޮތުން މަޝްވަރާކުރައްވައި، ސަރަޙައްދީ އަދި ބައިނަލްއަޤުވާމީ މައްސަލަތަކާމެދު ޚިޔާލުބަދަލުކުރައްވައި، ދެ ޤައުމުގެ ބައިވެރިވުން އިތުރުކުރެއްވޭނެ އިތުރު މަގުތައް ހޯއްދެވުމާމެދު މަޝްވަރާކުރެއްވުމަށްވަނީ ހަމަޖެހިފައެވެ.