ރާއްޖޭގެ ރިސޯޓްތަކަކީ ގޮލްފް ކުޅެން ވަރަށް ފުރިހަމަ އެކަށީގެންވާ ތަންތަން ކަމުގައި ކުޅިވަރާއި ހަށިހެޔޮކަމާ ބެހޭ ވަޒީރު ޢަބްދުﷲ ރާފިޢު ވިދާޅުވެއްޖެއެވެ.
ވަޒީރު މިހެން ވިދާޅުވީ ސްރީލަންކާގެ ކެންޑީގައި ހުންނަ ވިކްޓޯރިއާ ގޮލްފް ކުލަބުގައި ކުރިއަށްގެންދިޔަ މޯލްޑިވްސް ގޮލްފް އެސޯސިއޭޝަންގެ ފުރަތަމަ ގޮލްފް މުބާރާތް ކަމަށްވާ މޯލްޑިވްސް އޯޕަން 2025 ގެ އިނާމް ދިނުމުގެ ރަސްމިއްޔާތުގައި ވާހަކަފުޅު ދައްކަވަމުންނެވެ.
Minister Abdulla Rafiu participated in the closing ceremony of the first Maldives Open 2025 organized by the Maldives Golf Association (MGA).
Minister Rafiu hailed the efforts by MGA for the development of golf in Maldives and extended the government's support to promote this… pic.twitter.com/roF31cTHgu— Ministry of Sports, Fitness and Recreation (@MoSFR_mv) April 26, 2025
މިގޮތުން މި ރަސްމިއްޔާތުގައި ވަޒީރު ވަނީ ގޮލްފް ކުރިއެރުވުމަށް ގޮލްފް އެސޯސިއޭޝަނުން ކުރައްވާ މަސައްކަތް ފާހަގަކުރައްވައި، ފުރަތަމަ ފަހަރަށް ބޭއްވި ގޮލްފް މުބާރާތް ކާމިޔާބުކަމާއެކު ބޭއްވި ކަމަށްޓަކައި މަރުހަބާ ދަންނަވައިފައެވެ.
ވަޒީރު ވިދާޅުވީ ގޮލްފްއަކީ ސްޕޯޓްސް ޓުއަރިޒަމްގެ ތެރެއިން ރާއްޖޭގައި ކުރިއެރުވޭނެ ކުޅިވަރެއްކަމަށާއި، ރާއްޖޭގެ ރިސޯޓްތަކަކީ މިކަމަށް އެންމެ އެކަށީގެންވާ ހިތްފަސޭހަ މާހައުލު ކަމަށެވެ.
ވަޒީރު ވިދާޅުވީ ގިނަ ބަޔަކު މި ކުޅިވަރަށް ޝައުގުވެރިވެ، މި ކުޅިވަރަށް ގިނަ ފުރުސަތުތަކެއް ހުޅުވިގެންދާނެ ކަމަށް އުއްމީދު ކުރައްވާ ކަމަށެވެ.
މި ލިޔުން ކިޔާލުމުން
