ތުލުސްދޫ ގޮނޑުދޮށް ހިމާޔަތްކުރުމުގެ މަޝްރޫއު ނިމިއްޖެ

ކ.ތުލުސްދޫގެ ގޮނޑުދޮށް ހިމާޔަތްކުރުމުގެ މަޝްރޫއު މަސައްކަތް ނިމިއްޖެއެވެ. މި މަޝްރޫއަކީ ތުލުސްދޫއަށް ދިމާވެފައިވާ ރަށް ގިރުމުގެ މައްސަލަ ޙައްލުކުރުމަށްޓަކައި ކުރިއަށް ގެންދެވުނު މަޝްރޫއެކެވެ. މި މަޝްރޫއުގެ ދަށުން ރަށުގެ އިރުމަތީ ފަރާތުގެ ގިރާ ސަރަޙައްދު ހިމާޔަތްކުރުމަށް 70 މީޓަރުގެ ބޮޑުހިލައިގެ ހަ ބްރޭކްވޯޓަރާއި 50 މީޓަރުގެ ބޮޑުހިލައިގެ ދެ ވައި-ގްރޮއިން އަދި 170 މީޓަރުގެ ބޮޑުހިލައިގެ ރިވެޓްމަންޓެއް ވަނީ ޖަހާފައެވެ.

ކ.ތުލުސްދޫ ގޮނޑުދޮށް ޙިމާޔަތްކުރުމުގެ މަޝްރޫޢު އެއްކޮށް ވަނީ ނިމިފައި #HarbourProjects pic.twitter.com/m4fr30Ew6I

— Ministry of Construction, Housing & Infrastructure (@MoCImv) April 23, 2025

ތުލުސްދޫއަކީ މާލޭ ސަރަޙައްދުގައި ލޯކަލް ޓޫރިޒަމް އެންމެ ހަލުވިކަމާއެކު ފުޅާވަމުން އަންނަ އެއްރަށެވެ. މި މަޝްރޫއުގެ މަސައްކަތް ކުރިއަށް ގެންދިޔައީ ދިވެހި ކުންފުންޏެއް ކަމަށްވާ ހެވީ ފޯސް ޕްރައިވެޓް ލިމިޓެޑުންނެވެ. ސަރުކާރުން މި މަޝްރޫޢަށް 36.1 މިލިޔަން ރުފިޔާ ޚަރަދުކޮށްފައިވާކަން ފާހަގަކުރެވެއެވެ.