މުލީ އެއަރޕޯޓްގެ ޓެސްޓު ދަތުރު ހުކުރު ދުވަހު

މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ އެމްޓީސީސީން މުލީ އެއަރޕޮޓްގެ މަސައްކަތް ކުރިއަށް ދާއިރު،  ރަންވޭއާއި ޓަރމިނަލް އަދި ރަންވޭ ހިމެނޭ ސަރަޙައްދުން ހިއްކަންޖެހޭ ބިމުގެ ސަރަޙައްދު ހިއްކުމުގެ މަސައްކަތްވެސް މިހާރު ވަނީ ނިމިފައެވެ. މ. އަތޮޅުގައި އެއަރޕޯޓް ތަރައްޤީކުރުމުގެ ޢަމަލީ މަސައްކަތް ފެށީ 2021 ވަނަ އަހަރުގެ އޮގަސްޓްމަހުގެއެވެ. މުޅި މަޝްރޫޢު ނިންމާ ޚިދުމަތް ދޭން ފުރަތަމަ ޕްލޭންކުރީ 2023 ވަނަ އަހަރުގެ މެދުތެރޭގައެވެ. ނަމަވެސް މަސައްކަތްތައް ލަސްވުމާ ގުޅިގެން އެންމެ ފަހުން ތާވަލު ކުރީ މިއަހަރުގެ މެދުތެރޭގައި ޚިދުމަތް ފެށޭވަރަށް ނިންމުމަށެވެ.

People of Meemu Atoll have long faced difficulties in travelling to Malé, especially during bad weather, making it hard to access healthcare and other important services. The M. Muli Airport Development Project will change this by improving regional connectivity, enabling safer,… pic.twitter.com/DQDPUbjHPu

— MTCC Plc (@MTCCPlc) April 21, 2025

މުލީ އެއަރޕޯޓްގައި ތަރައްޤީކޮށްފައިވަނީ 1200 މީޓަރު ދިގު، 30 މީޓާރު ފުޅާ ރަންވޭއެކެވެ. މިއީ އެތެރޭގެ އުދުހުންތަކަށް ޚާއްސަ އެއަރޕޯޓެކެވެ. މި މަޝްރޫޢުއަކީ ސަރުކާރުން 221 މިލިއަން ރުފިޔާ ޚަރަދުކޮށްގެން ހިންގާ މަޝްރޫޢުއެކެވެ. މުލަކަތޮޅަކީ ރާއްޖޭގައި އެއަރޕޯޓެއް ނެތް މަދު އަތޮޅުތަކުގެ ތެރޭގައި ހިމެނޭ އަތޮޅެކެވެ. އެ އަތޮޅުގައި މީހުން ދިރިއުޅޭ 8 ރަށް އޮންނައިރު، އަތޮޅުގެ އާބާދީ އުޅެނީ 8000 އިން ދަށުގައެވެ.