މިނިސްޓަރ އޮފް ހެލްތު އަބުދުﷲ ނާޒިމް އިބްރާހީމް، މިނިސްޓަރ އޮފް ސޯޝަލް، އެންޑް ފެމިލީ ޑިވެލޮޕްމަންޓް ޑރ. އައިޝަތު ޝިހާމް އާއި ބައްދަލުކުރައްވައިފިއެވެ.
މި ބައްދަލުކުރެއްވުމުގައި ނުކުޅެދުންތެރިކަން ހުންނަ ފަރާތްތަކަށް ޚިދުމަތް ފޯރުކޮށްދިނުމުގައި ހުރި ގޮންޖެހުންތަކާ ބެހޭގޮތުން ވަނީ މަޝަވަރާކުރެވިފައެވެ. މީގެ އިތުރުން މިދާއިރާގެ ހެލްތު ޕްރޮފެޝަނަލްސް ނެތުމާއި، ހާއްސަކޮށް މާލެ ނޫން އެހެން ސަރަހައްދުތަކުގައި އެކަމުގެ ދަތިކަން ހުންނާތީ ހަދަންޖެހޭ އެސެސްމަންޓް ހެދުމުގައި ދިމާވާ ގޮންޖެހުންތަކާއި ގުޅޭގޮތުން މަޝަވަރާކުރެވުނެވެ.
Minister @ANazim2019 and @aishathshiham met to discuss challenges in disability service provision and explored ways to strengthen support systems. A joint commitment to improving accessibility and inclusivity. #DisabilityInclusion #SocialSupport @MSFDmv pic.twitter.com/TnwwDCUQod
— Ministry of Health (@MoHmv) April 20, 2025
މިކަން ހައްލުކުރުމަށްޓަކައި، ޕްރައިމަރީ ހެލްތު ކެއާ (ޕީއެޗްސީ) ސިސްޓަމް މެދުވެރިކޮށް ލިބެން ހުރި ފަންނީ މީހުން ބޭނުންކުރެވޭނެ ގޮތްތަކާއި ގުޅޭގޮތުން ވަނީ މަޝްވަރާކުރެވިފައެވެ.
މީގެ އިތުރުން ނުކުޅެދުންތެރިކަން ހުންނަ ފަރާތްތަކަށް ޞީއްޙީ ޚިދުމަތް ދިނުމުގައި ހުރި ގޮންޖެހުންތަކާއި އެކަންކަން ހައްލުކުރުމަށް ދެ މިނިސްޓްރީ ގުޅިގެން ކުރެވިދާނެ ކަންކަމާއި ގުޅޭގޮތުން ދެ ވަޒީރުން ވަނީ މަޝްވަރާކޮށްފައެވެ.
