އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާގެ އޮފީހުގައި ޗައިލްޑް-ކެއާ ސްޕޭސްއެއް މިއަދު ހުޅުވައިފިއެވެ. މި ސްޕޭސް ހުޅުވުމުގެ ރަސްމިއްޔާތުގައި ވުޒާރާގެ އިސްވެރިންނާއި މުވައްޒަފުން ބައިވެރިވިއެވެ.
މި ޗައިލްޑް-ކެއާ ސްޕޭސްއަކީ ވުޒާރާގެ މުވައްޒަފުންގެ ކުޑަކުދިން ބެލެހެއްޓުމަށް ޚާއްޞަކޮށްގެން ތައްޔާރުކޮށްފައިވާ ޖާގައެކެވެ. މިތަނުގައި ކުޑަކުދިންނަށް އެކަށީގެންވާ ފަރުނީޗަރާއި، ކުޅޭ ސާމާނު، އަދި ތަޢުލީމީ ވަސީލަތްތައް ހުންނާނެއެވެ. އަދި ތަަޖުރިބާކާރު މުވައްޒަފުން ކުދިން ބެލެހެއްޓުމަށް ތިބޭނެއެވެ.
ވުޒާރާގެ ފަރާތުން މި ޚިދުމަތް ތަޢާރަފުކުރުމުގެ މައިގަނޑު މަޤްޞަދަކީ މަސައްކަތްކުރާ މައިންބަފައިންނަށް، ޚާއްޞަކޮށް އަންހެން މުވައްޒަފުންނަށް އެހީތެރިވެ، އެމީހުންގެ މަސައްކަތު މާޙައުލާއި ޢާއިލީ ދިރިއުޅުމުގެ ވަޒަން ހަމަޖެއްސުމަށް މަގުފަހިކޮށްދިނުމެވެ. މީގެ ސަބަބުން މުވައްޒަފުންގެ ނަފްސާނީ ދުޅަހެޔޮކަން އިތުރުވެ، މަސައްކަތުގެ އުފެއްދުންތެރިކަން އިކަން އިތުރުވާނެކަމަށް ބެލެވެއެވެ.
މި ފަދަ ޚިދުމަތްތައް ތަޢާރަފުކުރުމަކީ ވަޒީފާދޭ ފަރާތްތަކަށް ވެސް ފައިދާހުރި ކަމެއްކަމަށް ފާހަގަކުރެވެއެވެ. މިއީ ރަނގަޅު މުވައްޒަފުން ހޯދުމާއި ދެމެހެއްޓުމަށް އެހީވެދޭނެ ކަމެއްގެ ގޮތުގައި ބެލެވެއެވެ. އަދި މިކަމުގެ ސަބަބުން އޮފީސް މާޙައުލުގައި ޢާއިލާއަށް ރައްޓެހި ވެށްޓެއް އުފެދިގެންދާނެއެވެ.
