އޮލިމްޕިކް ކައުންސިލް އޮފް އޭޝިއާ (އޯސީއޭ) އިން އިންތިޒާމުކޮށްގެން "ވޮޗް ހާރ ޝައިން" ގެ ނަމުގައި ބޭއްވި ޖެންޑަރ އީކުއިޓީ ސެމިނަރގައި ރާއްޖޭގެ ފަރާތުން ބައިވެރިވެއްޖެއެވެ. މި ސެމިނަރގައި ރާއްޖެ ތަމްސީލުކުރެއްވީ މޯލްޑިވްސް އޮލިމްޕިކް ކޮމިޓީ (އެމްއޯސީ)ގެ ސެކްރެޓަރީ ޖެނެރަލް ތަމޫހު އަހުމަދު ސައީދާއި، އެމްއޯސީގެ ޖެންޑަރ އީކުއިޓީ ކޮމިޝަންގެ ޗެއަރޕާސަން ފަޒްނާ ޖަލީލެވެ.
މި މަހުގެ 14 އިން 15 އަށް ބުރޫނާއީގެ ދާރުއްސަލާމުގައި ކުރިއަށް ގެންދެވުނު މި ސެމިނަރގައި 95 ފަރާތަކުން ބައިވެރިވިއެވެ. އޯސީއޭގެ ޖެންޑަރ އީކުއިޓީ ކޮމިޝަންގެ ޗެއަރޕާސަން ވެލެރީ ޓާރާޒީގެ އިސްނެންގެވުމުގެ ދަށުން ކުރިއަށް ގެންދެވުނު މި ސެމިނަރަކީ ބުރޫނާއީގެ އަމީރު ސުފްރީ ބޮލްޚިއާގެ އެހީތެރިކަމާއެކު ބޭއްވުނު ބައްދަލުވުމެކެވެ.
މި ސެމިނަރގެ މައިގަނޑު މަޤްޞަދަކީ އޭޝިއާ ޤައުމުތަކުގެ އޮލިމްޕިކް ކޮމިޓީތަކުގައި މިންތީގެ ހަމަހަމަކަން ކަށަވަރުކޮށްދިނުމެވެ. އަދި ކުޅިވަރު ދާއިރާގެ ހިންގުމުގެ އިސް މަޤާމުތަކުގައި އަންހެނުންނަށް ފުރުޞަތު އިތުރުކޮށްދިނުމާ ގުޅޭ މަޝްވަރާތައް ކުރުމެވެ.
ސެމިނަރގައި އެކި ޤައުމުތަކުގެ މެދުގައި ތަޖުރިބާ ޙިއްޞާކުރެވުނެވެ. އަދި ކުޅިވަރުގެ ދާއިރާގައި މިންތީގެ ހަމަހަމަކަން ޤާއިމުކުރުމަށް މުހިންމު މަޝްވަރާތަކެއް ކުރެވުނެވެ. މީގެ އިތުރުން، ކުޅިވަރު ދާއިރާގެ ޕޮލިސީތައް އެކުލަވާލުމާއި، ހަމަހަމަ ފުރުޞަތުތައް ފަހިކޮށްދިނުމާއި، ނަޒާހަތްތެރިކަމާއެކު ކުޅިވަރުގެ ދާއިރާ ހަރުދަނާކުރުމާ ގުޅޭ ގޮތުން މަޝްވަރާކުރެވުނެވެ.
މި ލިޔުން ކިޔާލުމުން
