ވިލިމާލޭގެ ގިރާ ސަރަޙައްދު ގައި ޖަމްބޯ ބޭގް ޖަހަން ފަށައިފި
ވިލިމާލޭގެ ގިރަމުންދާ ސަރަޙައްދު ހިމާޔަތްކުރުމަށް އެސަރަހައްދުގައި ޖަމްބޯ ބޭގް ޖަހަން ފަށައިފިއެވެ.
މިމަސައްކަތްކުރަނީ ސިޓީ ކައުންސިލުން އެދިގެން ކޮންސްޓްރަކްޝަން މިނިސްޓްރީގެ އެހީތެރިކަމާއި އެކުގައެވެ.
މާލެ ސިޓީ ކައުންސިލްގެ ޑެޕިއުޓީ މޭޔަރ މުޙައްމަދު އަރީޝް ސޯޝަލް މީޑިއާގައި ކުރެއްވި ޕޯސްޓެއްގައި ވިދާޅުވީ، ވިލިމާލޭ ގޮނޑުދޮށް ގިރަމުންދާތީ އެސަރަހައްދުގައި ހުރި ގަސްތައް ވެއްޓުމުގެ ބިރު އޮތުމާއެކު އެކަން ކޮންސްޓްރަކްޝަން މިނިސްޓަރާއި ހިއްސާކުރެއްވިކަމަށެވެ.
ވިލިމާލޭގެ އިރުއުތުރު އަދި އިރުދެކުނު ސަރަޙައްދުގެ ގޮނޑުދޮށް ހަލާކުވެ، އެ ސަރަޙައްދުގެ ގަސްތަކަށް ލިބެމުންދާ ގެއްލުން ހުއްޓުވުމަށް ހުށަހެޅުނު މައްސަލައަށް އަވަސް އިޖާބައެއް ދެއްވައި، ދެ ގަޑިއިރުގެ ތެރޭގައި އަމަލީ މަސައްކަތް ފެއްޓެވި ކަމަށްޓަކައި މިނިސްޓަރ އޮފް ކޮންސްޓްރަކްޝަން،… pic.twitter.com/ZyHDRiQAZg
— Mohamed Areesh (@attuareesh) April 16, 2025
މިއާއެކު ވަގުތުން އެކަމަށް އިޖާބަ ދެއްވާ ދެގަޑިއެއްހާއިރު ތެރޭގައި ގިރަމުންދާ ސަރަޙައްދުގައި ޖަމްބޯ ބޭގް ޖެހުމުގެ މަސައްކަތް ފައްޓަވާދެއްވިކަމަށް އޭނާ ވިދާޅުވިއެވެ. މިމަސައްކަތް ކުރަނީ ތިލަމާލެ ބްރިޖް މަޝްރޫޢުގެ މަސައްކަތް ކުރަމުން އަންނަ އިންޑިއާގެ އެފްކޮންސް ކުންފުނިންނެވެ.
އަރީޝް ވިދާޅުވީ ވިލިމާލޭގެ އިރުއުތުރު އަދި އިރުދެކުނު ސަރަޙައްދުގެ ގޮނޑުދޮށް ގިރަމުންދާކަމަށާއި މިހާތަނަށް ގަސްތަކެއް ވެއްޓިފައި ނުވާކަމަށެވެ. އެހެންނަމަވެސް މިދުވަސްވަރު އެސަރަޙައްދު ގިރަމުންދާގޮތުން ގަސްތައް ވެއްޓުމުގެ ބިރު އޮތްކަމަށެވެ. އެހެންކަމުން މިފަދަކަމެއް ކުރިމަތިވުމުގެ ކުރިން ވަޒީރު ޑރ.މުއްޠަލިބުގެ ސަމާލުކަމަށް ގެންނެވީކަމަށެވެ.
މި ލިޔުން ކިޔާލުމުން
