ހުޅުމާލެ ފޭސް ދޭއްގައި މިސްކިތެއް އިމާރާތް ކުރަން ހަވާލުކޮށްފި

ހުޅުމާލެ ފޭސް 2 ގައި 3000 މީހުންގެ ޖާގައިގެ މިސްކިތެއް އިމާރާތްކުރުމަށް  ހަވާލުކޮށްފިއެވެ. ހެޔޮއެދެ ފަރާތެއްގެ އެހީތެރިކަމުގައި އިމާރާތްކުރާ މި މިސްކިތުގެ ކޮންޓްރެކްޓަރުވެސް ހަމަޖައްސާނީ މިސްކިތް އިމާރާތްކޮށްދޭ ފަރާތުން ކަމަށް އިސްލާމިކް މިނިސްޓްރީން މައުލޫމާތުދެއެވެ. އިސްލާމިކް މިނިސްޓްރީން ވަނީ މިސްކިތް އިމާރާތްކުރުމުގެ އެއްބަސްވުމުގައި އެޗްޑީސީއާ ދެމެދު މިއަދު އެއްބަސްވުމުގައި ސޮއިކޮށްފައެވެ.

ހުޅުމާލެ ފޭސް 2 ގައި 3000 މީހުންނަށް ނަމާދު ކުރެވޭ ޖާގައިގެ މިސްކިތެއް އިމާރާތްކުރުމަށް ހަވާލުކުރުން. މިސްކިތް އިމާރާތްކުރުމުގެ މަސައްކަތް ކުރަނީ ހެޔޮއެދޭ އަމިއްލަ ފަރާތަކުން ޚަރަދުކޮށްގެން، ކޮންޓްރެކްޓަރެއް ހަމަޖައްސާނީވެސް އެފަރާތުން. pic.twitter.com/V64jXYz5yk

— Ministry of Islamic Affairs (@MVIaffairs) April 16, 2025

މިސްކިތް އިމާރާތް ކުރަނީ 18720.79 އަކަފޫޓުގެ ބިމެއްގަ އެވެ. ބިން ހަވާލުކުރާތާ ދެ އަހަރު ތެރޭ މަސައްކަތް ނިްމާއިރު، އިސްލާމިކް މިނިސްޓްރީން ބުނީ މި މިސްކިތް ނިމޭއިރު، ސޯލާއާއި އޭސީ ވެސް ހަރުކުރެވޭނެ ކަމަށެވެ.