އައިލެންޑް އޭވިއޭޝަނަށް 25 އަހަރު ފުރުމުގެ މުނާސަބަތުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، އެ ކުންފުނީގެ ވެރީންނާއި މުވައްޒިފުންނަށް ތަހުނިޔާ ފޮނުއްވައިފިއެވެ. ރައީސުލްޖުމްހޫރިއްޔާ މި ތަހުނިޔާ ފޮނުއްވާފައިވަނީ އެކްސް މެދުވެރިކޮށް ކުރެއްވި ޕޯސްޓެއްގައެވެ.
ރައީސުލްޖުމްހޫރިއްޔާ އެކްސްގައި ކުރެއްވި ޕޯސްޓުގައި ވިދާޅުވެފައިވަނީ "މެދުކެނޑުމެއްނެތި 25 އަހަރު ދިވެހި ޤައުމުގެ ނަން ވައިގެ ތެރޭގައި ފަވަމުން، އައިލެންޑް އޭވިއޭޝަންގެ ޓީމުން ކުރައްވަވާ ހިންމަތްތެރި މަސައްކަތަށް ފަޚުރުވެރިވާ" ކަމަށެވެ. އަދި ރާއްޖޭގެ ދަތުރުފަތުރު ފުޅާކޮށް އިޤްތިޞާދު ހިފެހެއްޓުމުގައި، އަދި ތަރައްޤީ ދަމަހައްޓައިދިނުމުގައި، ޚިދުމަތުގެ ރިހިޔޫބީލް ފާހަގަކުރާ މި އުފާވެރި ދުވަހުގެ ތަހުނިޔާއާއި ހެޔޮއެދުންތައް އަރިސްކުރައްވާފައިވެއެވެ.
ދިވެހި ޤައުމީ އެއާލައިން -- މޯލްޑިވިއަން ހިންގާ ކުންފުންޏެއްގެ ގޮތުގައި އައިލެންޑް އޭވިއޭޝަން ހިންގަމުންދާއިރު، އެ ކުންފުނީގެ ހިންގުން ހަރުދަނާ ކޮށް ފުޅާކުރުމަށް ސަރުކާރުން ދަނީ ގިނަ މަސައްކަތްތަކެއް ކުރަމުންނެވެ.
މެދުކެނޑުމެއްނެތި 25 އަހަރު ދިވެހި ޤައުމުގެ ނަން ވައިގެ ތެރޭގައި ފަވަމުން، އައިލެންޑް އޭވިއޭޝަންގެ ޓީމުން ތިޔަ ކުރައްވަވާ ހިންމަތްތެރި މަސައްކަތަށް އަޅުގަނޑުމެން ފަޚުރުވެރިވަމުއެވެ.
ރާއްޖޭގެ ދަތުރުފަތުރު ފުޅާކޮށް އިޤްތިޞާދު ހިފެހެއްޓުމުގައި، އަދި ތަރައްޤީ ދަމަހައްޓައިދިނުމުގައި،… pic.twitter.com/Hq7oDKAGek
— Dr Mohamed Muizzu (@MMuizzu) April 13, 2025
މިގޮތުން ރާއްޖޭގެ ހުރިހާ ކަންކޮޅަކަށް މޯލްޑިވިއަންގެ ޚިދުމަތް ދެމުންދާއިރު، ރާއްޖެއިން ބޭރަށް ވެސް ޤައުމީ އެއާލައިން ވަނީ އުދުހެން ފަށާފައެވެ. އަދި ސަރުކާރުން ވަނީ މޯލްޑިވިއަންއަށް އެއާބަސް އޭ330 މަރުކާގެ ބޯޓެއް ހޯދައިދީ ޚިދުމަތް އިތުރަށް ފުޅާކޮށްފައެވެ. މީގެއިތުރުން އިތުރު ބޯޓެއް ހޯދުމުގެ މަސައްކަތް ވެސް މިހާރު ދަނީ ކުރިއަށެވެ.
މި ލިޔުން ކިޔާލުމުން
