މިންހެޔޮ ކާނާގެ މުހިންމުކަމާ ގުޅޭ ގޮތުން އިސްރަށްވެހިންނަށް ޚާއްޞަކޮށްގެން ސެޝަނެއް ކުރިއަށްގެންގޮސްފިއެވެ.
އިޖުތިމާޢީ އަދި ޢާއިލީ ތަރައްޤީއާ ބެހޭ ވުޒާރާއިން ބުނީ މި ސެޝަން ކުރިއަށް ގެންގޮސްފައިވަނީ އިސްރަށްވެހިންގެ ނާދީއާއި ސޮސައިޓީ ފޮރ ހެލްތް އެޑިއުކޭޝަން ގުޅިގެން ކަމަށެވެ.
އިސްރަށްވެހިންނަށް މިންހެޔޮ ކާނާގެ މުހިންމުކަމާ ގުޅޭ ގޮތުން ސޮސައިޓީ ފޮރ ހެލްތް އެޑިއުކޭޝަންއާއި އިސްރަށްވެހިންގެ ނާދީ ގުޅިގެން މިއަދު ކުރިއަށް ގެންދެވުނު ސެޝަންގެ ތެރެއިން. pic.twitter.com/souEu7RRbm
— Ministry of Social and Family Development (@MSFDmv) April 10, 2025
މި ސެޝަންގައި 48 އިސްރަށްވެހިން ވަނީ ބައިވެރިވެފައެވެ. އެ ވުޒާރާއިން ބުނީ މިފަދަ އިތުރު ސެޝަންތައް ރާވާ ކުރިއަށް ގެންދިއުމަށް މި ސެޝަންގެ ބައިވެރިން އެދިފައިވާ ކަމަށެވެ.
އުމުރުން ދުވަސްވާއިރު ދުޅަހެޔޮކަންމަތީގައި ހުރުމަށް މިންހެޔޮ ކާނާއާއި ކަސްރަތަކީ މުހިންމު ރޯލެއް އަދާކުރާ ކަންކަން ކަމުގައިވާތީ، މިންހެޔޮ ކާނާއާއި ގުޅޭގޮތުން މައުލޫމާތު ދިނުމުގެ ސެޝަންތައް އިސްރަށްވެހިންގެ ނާދީން ގެންދަނީ ސިލްސިލާ ގޮތެއްގައި ކުރިއަށް ގެންދަމުންނެވެ.
މި ލިޔުން ކިޔާލުމުން
