މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ޤާއިމްކޮށްފައިވާ އިންސްޓަންޓް ޕޭމަންޓް ސިސްޓަމް – ފަވަރަގެ ޚިދުމަތްތަކަށް މިރޭ ބުރޫއަރާފާނެއެވެ.
މިކަން ހާމަކޮށްފައިވަނީ ފަވަރައިން އެކްސްގައި ކުރި ޕޯސްޓެއްގައެވެ.
Planned Maintenance: FAVARA services may be unavailable on Friday, 11 April 2025, from 12:00 AM to 3:00 AM due to a scheduled maintenance. Transactions processed through FAVARA may be disrupted during this time. We sincerely apologize for any inconvenience this may cause.
— Favara - MIPS (@Favara_MIPS) April 10, 2025
މިގޮތުން ފަވަރައިން ބުނެފައިވަނީ ރާވައިގެން ކުރިއަށްގެންދާ މެއިންޓަނަންސް އެއްގެ ސަބަބުން 11 އެޕްރީލް 2025 ގެ ހެނދުނު (މިރޭ ދަންވަރު) 12:00 އިން 03:00 އަށް ފަވަރައިގެ ޚިދުމަތްތައް މެދުކެނޑިދާނެ ކަމަށާއި، މި މުއްދަތުގައި ފަވަރަ މެދުވެރިކޮށް ޕްރޮސެސް ކުރެވޭ މުޢާމަލާތްތަކަށް ބުރޫ އަރާފާނެ ކަމަށެވެ.
ފަވަރައިން ވަނީ މިކަމުގެ ސަބަބުން ދިމާވެދާނެ ދަތިތަކަށް މަޢާފަށް އެދިފައެވެ.
26 އޮގަސްޓު 2023 ގައި އިފްތިތާޙްކުރި ފަވަރަ މެދުވެރިކޮށް އެއް ބޭންކުން އަނެއް ބޭންކަށް ފަސޭހަކަމާއެކު ފައިސާ ފޮނުވޭނެ ނިޒާމު ވަނީ ޤާއިމްވެފައެވެ.
މިވަގުތު ފަވަރައިގެ ޚިދުމަތް ބޭންކް އޮފް މޯލްޑިވްސް (ބީއެމްއެލް) އާއި މޯލްޑިވްސް އިސްލާމިކް ބޭންކް (އެމްއައިބީ) އާއި ސްޓޭޓް ބޭންކް އޮފް އިންޑިއާ (އެސްބީއައި) އާއި ބޭންކް އޮފް ސިލޯން (ބީއޯސީ) އަދި މޮރިޝަސް ކޮމާޝަލް ބޭންކް (އެމްސީބީ) އިން ލިބޭނެއެވެ.
މި ލިޔުން ކިޔާލުމުން
