ކ. ގާފަރު ބޭރުުން ދޮށީ މަސްވެރިކަމަށް ޚާއްސަ ކަނދުފައްޗެއް އަޅައިފިއެވެ.
ފިޝަރީޒް މިނިސްޓްރީން ބުނީ ދޮށީގެ މަސްވެރިކަމަށް ޚާއްސަ ކަނދުފައްޗެއް، ކ. ގާފަރުގެ އިރުން 13.5 މޭލު ބޭރުގައި ގާއިމުކޮށްފައިވާ ކަމަށެވެ. މިއަދު އެޅި ކަނދުފަތީގެ ނަންބަރަކީ G10D01 އެވެ.
ގާފަރު ބޭރުގައި ކަނދުފައްޗެއް އަޅާފައި މިވަނީ އެ ރަށު ބޭރުގައި އޮތް ކަނދުފަތި ކަނޑައިގެން ދިޔަތާ ގިނަ އަހަރުތަކެއް ފަހުން ކަމަށް މައުލޫމާތު ލިބެއެވެ.
ދޮށީ ކަނދުފަތި ނަންބަރު: G10D01
9 އޭޕްރީލް 2025 ވަނަ ދުވަހު ކ.ގާފަރު ދޮށީ ކަނދުފަތި، ގާފަރު އިރުން 13.5 މޭލު ބޭރުގައި ޤާއިމްކޮށްފި pic.twitter.com/PtaPrZfCz3— Ministry of Fisheries and Ocean Resources (@MFORmv) April 9, 2025
ދޮށީގެ މަސްވެރިކަމުގެ ކަނދުފަތީގެ އިތުރުން ކ. އަތޮޅުގައި ސްޕޯޓްސް ފިޝިންއަށް ޚާއްސަ ތިން ކަނދުފައްޗެއް އޮވެއެވެ. އެއީ ކ. ގާފަރުގެ އިރުން 4.5 މޭލު ބޭރުގައި އޮންނަ ވަދު ކަނދުފައްޗާއި، ކާށިދޫގެ އުތުރުން 4.5 މޭލު ބޭރުގައި އޮންނަ ވަދު ކަނދުފައްޗާއި، ހުޅުމާލޭގެ އިރުން 5 މޭލު ބޭރުގައި އޮންނަ ވަދު ކަނދުފައްޗެވެ.
މި ލިޔުން ކިޔާލުމުން
