މިއަހަރު ރާއްޖޭގައި ބޭއްވުމަށް ހަމަޖެހިފައިވާ ސައުދީ-ދިވެހިރާއްޖޭގެ ބައިނަލްއަޤްވާމީ އިންޓެގްރިޓީ ފޯރަމްގެ ތައްޔާރީތައް ވާން ފަށައިފިއެވެ.
އެގޮތުން އެންޓި-ކޮރަޕްޝަން ކޮމިޝަނުން ވަނީ މިނިސްޓަރ އޮފް ޓޫރިޒަމް، އެންޑް އެންވަޔަރަމަންޓް ޠާރިޤް އިބްރާހީމް ބައްދަލުކޮށް މަޝްވަރާކޮށްފައެވެ.މި ބައްދަލުވުމުގައި، ކުރިއަށް އޮތް ފޯރަމްގެ މުހިންމުކަމާއި، އެ ފޯރަމުން ދެ ޤައުމުގެ ގުޅުން އިތުރަށް ބަދަހިވެގެންދާނެ ގޮތުގެ މައްޗަށް މަޝްވަރާކުރެވުނެވެ. އަދި ފޯރަމްގެ ތައްޔާރީތައް ފެށުމާއި ގުޅޭގޮތުން ދެ ފަރާތުން ވަނީ އެއްބަސްވުންތަކެއް ވެފައެވެ.
Anti-Corruption Commission President Uz. Adam Shamil met with Minister @Thoriqibrahim to discuss preparations for the Saudi-Maldives International Forum on Integrity, set to be held in the Maldives this year. pic.twitter.com/FFKrjoj3Cr
— Ministry of Tourism and Environment (@MoTmv) April 7, 2025
އެންޓި-ކޮރަޕްޝަން ކޮމިޝަނުގެ ފަރާތުން މި މަޢުލޫމާތު ހާމަކުރެއްވިއިރު، މި ފޯރަމަކީ ދެ ޤައުމުގެ ދެމެދުގައި އޮންނަ ގުޅުން އިތުރަށް ހަރުދަނާކޮށް، ކޮރަޕްޝަން ހުއްޓުވުމަށް ކުރެވޭ މަސައްކަތްތައް ހަރުދަނާކުރުމަށް މުހިންމު ދައުރެއް އަދާކުރާނެ ފޯރަމެއް ކަމުގައި ފާހަގަކުރެއްވިއެވެ.
މި ފޯރަމް ބޭއްވުމަށް ހަމަޖެހިފައިވަނީ މިއަހަރުގެ ތެރޭގައި ކަމަށްވީ ނަމަވެސް، ވަކި ތާރީޚެއް އަދި ހާމަކޮށްފައެއް ނުވެއެވެ. ނަމަވެސް ދެ ފަރާތުން މިހާރު ވަނީ ތައްޔާރީތައް ފަށައިގަނެ، ކުރިއަށްގެންދިއުމަށް އެއްބަސްވެފައެވެ.
މި ފޯރަމަކީ ދިވެހިރާއްޖެއާއި ސައުދީ އަރަބިއާގެ ދެމެދުގައި އޮންނަ ގުޅުން އިތުރަށް ބަދަހިކޮށް، ދެ ޤައުމުގެ އިންޓެގްރިޓީ އާއި ކޮރަޕްޝަން ހުއްޓުވުމުގެ މަސައްކަތްތައް ހަރުދަނާކުރުމަށް މަގުފަހިކޮށްދޭނެ މުހިންމު ފޯރަމެއް ކަމަށް ބެލެވެއެވެ
