މާލޭގެ 4 ތަނެއް ބަލައިފާސްކޮށް ގަވާއިދާ ޚިލާފުވި 6 ބިދޭސީއަކު އަތުލައިގެންފިއެވެ.
އިމިގްރޭޝަނުން ބުނީ ގަވާއިދާ ހިލާފަށް ރާއްޖޭގައި އުޅެމުންދާ ބިދޭސީންނަށް އަމާޒުކޮށް ޓާސްކް ފޯސްއިން އިއްޔެ މާލޭގައި ރެއިޑު އޮޕަރޭޝަނެއް ކުރިއަށްގެންގޮސްފައިވާ ކަމަށެވެ. އަދި މި އޮޕަރޭޝަންތަކުގެ ތެރެއިން އިއްޔެ މާލޭގައި ހުރި ކެފޭ، ހޮޓާ އަދި ޓޭކްއަވޭ ފަދަ ހަތަރު ތަނެއް ބަލައި ފާސްކުރެވިފައިވާ ކަމަށް އެ މުއައްސަސާއިން ބުންޏެވެ.
ގަވާއިދާ ހިލާފަށް ރާއްޖޭގައި އުޅެމުންދާ ބިދޭސީންނަށް އަމާޒުކޮށް ޓާސްކް ފޯސްއިން ކުރިއަށްގެންދާ ރެއިޑު އޮޕަރޭޝަންތަކުގައި އިއްޔެ މާލޭގައި ހުރި ކެފޭ، ހޮޓާ އަދި ޓޭކްއަވޭ ފަދަ 4 ތަނެއް ވަނީ ބަލައި ފާސްކުރެވިފައި. އަދި މި ތަންތަނުގައި ސައްހަ ވިސާއެއް ނެތި މަސައްކަތް ކުރަމުންދިއަ 06… pic.twitter.com/BPUJBO7PVZ
— Maldives Immigration (@ImmigrationMV) April 7, 2025
މީގެ އިތުރުން އިމިގްރޭޝަނުން ބުނީ މި ތަންތަނުގައި ސައްހަ ވިސާއެއް ނެތި މަސައްކަތް ކުރަމުންދިއަ 06 މީހަކު އިމިގްރޭޝަންގެ ބެލުމުގެ ދަށަށް ގެނެވިފައިވާ ކަމަށެވެ.
އިމިގްރޭޝަނުން ވަނީ މި މަހުގެ 3 ވަނަ ދުވަހުގެ ރޭވެސް އާންމު ސިއްހަތަށް ނުރައްކާވާ ގޮތަށް މާލޭގައި ހިންގަމުންދިޔަ ކެފޭއެއް ބަލައިފާސްކޮށް، އެތަނުގައި ގަވާއިދާ ޚިލާފަށް އުޅެމުންދިޔަ 11 ބިދޭސީއަކު އަތުލައިގެންފައެވެ.
މި ލިޔުން ކިޔާލުމުން
