ކަރަންޓުގެ ހިދުމަތް ރަނގަޅު ކުރުމަށް ލ. މާވަށަށް 800 ކިލޯ ވޯޓުގެ އިންޖީނެއް ގެންގޮސްފިއެވެ.
ފެނަކަ ކޯޕަރޭޝަނުން އެކްސްގައި ކުރި ޕޯސްޓެއްގައި ބުނީ، އެ ރަށަށް އައު އިންޖީނެއް ގެންދިޔައީ ދެމެހެއްޓެނިވި ގޮތެއްގައި ކަރަންޓުގެ ހިދުމަތް ދިނުމަށް އެ ކުންފުނިން ކުރަމުންދާ މަސައްކަތުގެ ތެރެއިން ކަމަށެވެ.
އައު އިންޖީނު އިންސްޓޯލް ކުރުމުގެ މަސައްކަތް މިހާރު ފަށާފައިވާކަމަށް ވެސް ފެނަކައިން ބުނެފައިވެއެވެ.ދެމެހެއްޓެނިވި ގޮތެއްގައި ކަރަންޓުގެ ޚިދުމަތް ދިނުމަށް ކުރެވެމުންދާ މަސައްކަތްތަކުގެ ތެރެއިން: ލ.މާވަށުގެ ކަރަންޓުގެ ޙާލަތުގެ ރަނގަޅުކުރުމުގެ ގޮތުން ކެޕޭސިޓީ އިތުރުކުރުމަށް، 800ކވ ގެ އައު އިންޖީނެއް މިހާރު ވަނީ އެރަށަށް ގެންދެވިފައި. އިންސްޓޯލްކުރުމުގެ މަސައްކަތް ފެށިފައިވާއިރު،… pic.twitter.com/54zLJGVAXK
— Fenaka Corporation Ltd (@TeamFenaka) April 5, 2025
އޭގެއިތުރުން ކުރިޔަށް އޮތް ހަފުތާއެއްގާ ދުވަހުގެ ތެރޭގައި މަސައްކަތް ނިންމާ ހިދުމަތަށް ބޭނުން ކުރެވޭނެކަމަށް ވެސް ފެނަކައިން ބުނެފައިވެއެވެ.
މާވަށުގެ އިތުރުން އައްޑޫ ސިޓީއަށް ވެސް ދާދި ފަހުން ފެނަކައިން ވަނީ އިންޖީނެއް ފޮނުވާފައެވެ. އައްޑޫ ސިޓީއަށް ދިމާވާ ކަރަންޓުގެ މައްސަަލަ ހައްލު ކުރުމަށް ފެނަކައިން އަންނަނީ ގިނަ މަސައްކަތްތަކެއް ކުރަމުންނެވެ.
