ރައީސް ލީޑްސް ޔުނިވަރސިޓީ އަށް ޒިޔާރަތްކޮށްފި

ރައީސުލް ޖުމުހޫރިއްޔާ ޑރ. މުހައްމަދު މުޢިއްޒު އިނގިރޭސިވިލާތަށް މިހާރު ކުރައްވަމުން ގެންދަވާ ދަތުރުފުޅުގައި ލީޑްސް ޔުނިވަރސިޓީ އަށް ޒިޔާރަތް ކުރައްވައިފިއެވެ. ޔުނިވަރސިޓީ އަށް ކުރެވި މި ޒިޔާރަތަކީ ދިވެހިރާއްޖެ އާއި ޔުނިވާސިޓީއާ ދެމެދު އެއްބާރުލުން ދިނުމުގެ ފުރުސަތުތައް ހޯދުމަށް ކުރެއްވި ޒިޔާރަތެކެވެ.

As part of the ongoing visit to the United Kingdom, H.E. President Dr @MMuizzu visited the University of Leeds on Friday to explore opportunities for collaboration between Maldives and the University. The President was greeted by MP Alex Sobel, and Professor Hai-Sui Yu,… pic.twitter.com/cJmRGKwd7V

— The President's Office (@presidencymv) April 4, 2025

މި ޒިޔާރަތުގައި އެމަނިކުފާނަށް މަރުޙަބާ ދެންނެވީ މެމްބަރު އެލެކްސް ސޮބެލް، އަދި ޔުނިވާސިޓީ އޮފް ލީޑްސްގެ ޕްރޮވޮސްޓް އަދި ޑެޕިއުޓީ ވައިސް ޗާންސެލާ ޕްރޮފެސަރު ހައި-ސުއީ ޔޫ އެވެ. ރައީސް ޑރ. މުޙައްމަދު މުޢިއްޒު އަކީ 2009 ވަނަ އަހަރު ސިވިލް އިންޖިނިއަރިންގެ ދާއިރާއިން ޕީއެޗްޑީ ހާސިލް ކުރައްވާފައިވާ ޔުނިވާސިޓީ އޮފް ލީޑްސްގެ ޝަރަފުވެރި ކުރީގެ ދަރިވަރެކެވެ. 1904 ވަނަ އަހަރު އުފެދުނު ޔުނިވާސިޓީ އޮފް ލީޑްސް އަކީ އިނގިރޭސިވިލާތުގެ އެންމެ މަޝްހޫރު އެއް ތައުލީމީ މަރުކަޒެވެ.