އެކުވެރި ޢަރަބި ޢިމާރާތް (ޔޫއޭއީ) ގެ ދުބާއީގައި ބާއްވާ އެރަބިއަން ޓްރެވަލް މާކެޓް (އޭޓީއެމް) 2025 ގައި ބައިވެރިވެ ޕާފޯމްކުރުމުގެ ފުރުޞަތު ދިވެހި ކުރެހުންތެރިއަކަށް ދިނުމަށް މޯލްޑިވްސް މާކެޓިންގ އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) އިން ނިންމައިފިއެވެ.
އެމްއެމްޕީއާރުސީން ބުނީ ހުނަރުވެރި ދިވެހި ކުރެހުންތެރިއަކަށް އޭޓީއެމް 2025 ގައި އެމީހެއްގެ މަސައްކަތް ދައްކާލައި، ލައިވް އާޓް ޕާފޯމް ކުރުމުގެ ފުރުޞަތު ދިނުމަށް ހަމަޖެހިފައިވާ ކަމަށެވެ. މިގޮތުން މި ހަރަކާތް އޮންނާނީ އޭޓީއެމްގެ 'މޯލްޑިވިއަން އީވްނިންގ' ނުވަތަ ދިވެހިރާއްޖެއަށް ޚާއްޞަކުރެވިފައިވާ ރޭގައެވެ.
MMPRC is offering an incredible opportunity for a talented Maldivian artist to display their work and perform live art demonstrations at the Arabian Travel Market (ATM) 2025 in Dubai, along with the prestigious Maldivian Evening!
Deadline for applications: April 15, 2025 pic.twitter.com/qdKLZIQpWe
— Maldives Marketing & Public Relations Corporation (@mmprc_corporate) April 3, 2025
މި ކަމަށް އެދި ހުށަހެޅުމުގެ ފުރުޞަތު މި އޭޕްރީލް މަހުގެ 15 ވަނަ ދުވަހުގެ ނިޔަލަށް އެމްއެމްޕީއާރުސީން ވަނީ ހުޅުވާލައިފައެވެ.
އޭޓީއެމް އޮންނާނީ އޭޕްރީލް 28 އިން މޭ 1 އަށް ދުބާއީގައެވެ. މި ޓްރެވަލް މާކެޓުގައި 161 އަށްވުރެ ގިނަ ޤައުމުން 2،600 ފަރާތަކުން ބައިވެރިވާނެއެވެ. މިއީ ފަތުރުވެރިކަމާއި ދަތުރުފަތުރުގެ ދާއިރާގައި ބާއްވާ އެންމެ ބޮޑު އެއް ހަރަކާތެވެ.
މި ލިޔުން ކިޔާލުމުން
