މާދަމާ ވެލާނާ އިންޓަރނޭޝަނަލް އެއާޕޯޓުން ފުރާ ދަތުރުވެރިން އަވަހަށް އެއާޕޯޓަށް ދިއުމަށް މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން އެދެފިއެވެ.
އެމްއޭސީއެލް އިން މިއަދު ބުނީ، ޢުމްރާއަށް ދިޔަ ފަރާތްތަކުން އަނބުރާ އަންނާތީ، އެއާޕޯޓުގެ މަގުތަކާއި ގިމަތަ ސަރަހައްދުތަކުގައި މާދަމާ ޓްރެފިކް ބާރުބޮޑުވާނެ ކަމަށް ލަފާކުރެވޭ ކަމަށެވެ.
We anticipate a high volume of passenger traffic at @VelanaAirport on Friday afternoon, with the return of Umrah pilgrims alongside regular operations. To ensure a smooth journey, we advise all passengers to arrive early and allow extra time for check-in & security.
Umrah…
— Maldives Airports Company Ltd (@MACLmedia) April 3, 2025
އެހެންކަމުން، މާދަމާ ދަތުރުކުރާ ހުރިހާ ފަރާތްތަކުން މަދުވެގެން ތިން ގަޑިއިރު ކުރިން އެއާޕޯޓަށް ދިއުމަށާއި، ޗެކް-އިން ކުރުމަށާއި ސެކިއުރިޓީ ޗެކަށް އިތުރު ވަގުތު ދިނުމަށް އެމްއޭސީއެލް އިން ވަނީ އެދިފައެވެ.
އެމްއޭސީއެލް އިން ބުނީ ޢުމްރާވެރިންގެ ފުލައިޓުތައް ޖެއްސުމަށް ތާވަލުކުރެވިފައިވަނީ މާދަމާ 14:00 އާއި 16:00 އާ ދެމެދު ކަމަށެވެ.
މީގެ އިތުރުން، އެއާޕޯޓުގެ ވަށައިގެން ޓްރެފިކް ފަސޭހަކަމާއެކު ދައުރުކުރުމަށްޓަކައި ޓެކްސީ ސެންޓަރުތަކުންނާއި ޑްރައިވަރުންވެސް އެއްބާރުލުން ދިނުމަށް އެ ކުންފުނިން ވަނީ އެދިފައެވެ.
މި ލިޔުން ކިޔާލުމުން
