ފިޠުރު ޢީދާ ދިމާކޮށް މިލަންދޫ ކައުންސިލުން ރާވައިގެން ކުރިއަށްގެންދާ މިލަންދޫ ކައުންސިލް ކަޕްގެ ތިންވަނަ ދުވަހުގެ މެޗުތައް ލިންކް ސްޕޯޓްސް، އީގަލްސް އަދި ވޮލްކޯ ޔުނައިޓެޑުން ކާމިޔާބުކޮށްފިއެވެ.
މި މުބާރާތުގެ ތިން މެޗެއް މިލަންދޫ މާކޯ ސްޓޭޑިއަމްގައި ރޭވެސް ކުޅެފައިވާއިރު، ފުރަތަމަ މެޗުގައި ބައްދަލުކުރީ ޑޮމިނޭޓާސް އާއި ލިންކް ސްޕޯޓްސްއެވެ. 0-14 ގެ ނަތީޖާއަކުން ލިންކް ސްޕޯޓްސް ކާމިޔާބުކުރި މި މެޗުގެ އެންމެ މޮޅު ކުޅުންތެރިއަކަށް ހޮވުނީ ލިންކް ސްޕޯޓްސްގެ ޖާޒީ ނަންބަރު 10، އަޔާޒު އަޙްމަދެވެ.
ދެވަނަ މެޗުގައި ކަލާފާނު އެފްސީ އާއި އީގަލްސް ވާދަކޮށް، 1-5 ގެ ނަތީޖާއަކުން މެޗު ކާމިޔާބުކުރީ އީގަލްސް އިންނެވެ. މި މެޗުގެ އެންމެ މޮޅު ކުޅުންތެރިއަކަށް ހޮވިފައިވަނީ އީގަލްސްގެ ޖާޒީ ނަންބަރު 7، އިބްރާހީމް ޒާހީއެވެ.
މީގެ އިތުރުން ދަރަކަން އެފްސީއާ ވާދަކޮށް، ރޭގެ ތިންވަނަ މެޗު 3-6 ގެ ނަތީޖާއަކުން ކާމިޔާބުކުރީ ވޮލްކޯ ޔުނައިޓެޑުންނެވެ. މި މެޗުގެ އެންމެ މޮޅު ކުޅުންތެރިއަކަށް ހޮވުނީ ވޮލްކޯ ޔުނައިޓެޑްގެ ޖާޒީ ނަންބަރު 11، ޢަލީ ޖުނައިދެވެ.
މިރޭވެސް މި މުބާރާތުގެ ތިން މެޗެއް ކުޅުމަށް ހަމަޖެހިފައިވެއެވެ. ފުރަތަމަ މެޗުން ފެނިގެންދާނީ ދަރަކަން އެފްސީއާއި ކަލާފާނު އެފްސީ ކަމަށްވާއިރު، ދެވަނަ މެޗުގައި ބައްދަލުކުރާނީ އީގަލްސް އާއި ޑޯމިނޭޓާސް އެވެ. އަދި ތިންވަނަ މެޗުގައި ވާދަކުރާނީ ލިންކް ސްޕޯޓްސް އާއި ސިކްސްޕެކް އެސްސީންނެވެ.
މިލަންދޫ ކައުންސިލް ކަޕް 2025 ގެ މެޗުތައް މާރިޗު 31 އިން އޭޕްރީލް 10 ގެ ނިޔަލަށް ކުރިއަށްގެންދިއުމަށް ހަމަޖެހިފައިވާއިރު، މި މުބާރާތުގެ މެޗުތައް ބެލުމަށް ރާއްޖޭގެ އެކި ކަންކޮޅުތަކުން ގިނަ އަދަދެއް މީހުން ވަނީ މިލަންދޫއަށް ގޮސްފައެވެ. މި މުބާރާތުގެ ހުރިހާ މެޗެއްވެސް މިލަންދޫ ކައުންސިލްގެ ޔޫޓިއުބް ޗެނަލް މެދުވެރިކޮށް ލައިވްކުރުމަށް ވަނީ ހަމަޖެހިފައެވެ.
މި ލިޔުން ކިޔާލުމުން
